नेपालगन्ज, चैत २ गते। जलविद्युत् विकासलाई प्राथमिकता दिन नेपालगन्जका व्यवसायीहरूले सरकारसँग माग गरेका छन्। नेपाल राष्ट्र बैङ्क अनुसन्धान विभाग काठमाडौँको आयोजनामा नेपालगन्जमा आयोजित 'पूर्व बजेटका लागि सर्वेक्षण' कार्यक्रममा यहाँका व्यवसायी तथा सरोकारवाला निकायहरूका सहभागीले सो माग गरेका हुन।
नेपाल सरकार अर्थमन्त्रालयको आर्थिक सल्लाहकारका रूपमा रहेको नेपाल राष्ट्र बैङ्क, अनुसन्धान विभागले यस क्षेत्रका कृषि, उद्योग, सेवा, पूर्वाधार तथा वैदेशिक व्यापारका क्षेत्रमा भएका समस्या, आगामी वर्षको बजेटको परिदृश्य तथा समाधानका उपायका बारेमा राय लिने सम्बन्धमा व्यवसायीहरूले हाइड्रो पावरलाई प्रमुख प्राथमिकतामा राख्नुपर्ने बताए।
सम्पूर्ण क्षेत्रमा विद्युत् अत्यावश्यक भएकाले यसको विकासका लागि आगामी नीति तथा बजेटमा समावेश गरिनुपर्नेमा कुरामा उनीहरूले जोड दिएका छन्। समग्र नेपालको आर्थिक विकासका लागि हाइड्रोपावर मुख्य क्षेत्र बनेको उनीहरूको भनाइ छ। आर्थिक विकासमा टेवा पुर्याउने सम्पूर्ण क्षेत्रमा विद्युत् अपुगको समस्यालाई समाधान गर्न नेपाल सरकारको ध्यान हाइड्रोपावरको विकासमा जानुपर्ने व्यवसायीहरूले माग गरेका छन्।
विद्युत् अपुगका कारण बाँकेका उद्योगहरूले दैनिक एक करोड रुपियाँभन्दा बढी घाटा बेहोरेको केएल दुगड गु्रपका प्रबन्धक प्रदीप छाछेडले बताउनुभयो। विद्युत् समस्याका कारण उद्योग सञ्चालनमा समस्या परेको छ, उहाँले भन्नुभयो। उद्योग सञ्चालन, सिँचाइ र सेवा क्षेत्रमा विद्युत् समस्या खड्केको उहाँको भनाइ छ। हाइड्रोपावरमा नेपाल सरकारको ध्यान केन्दि्रत गर्नुपर्ने वषर्ा मेटल इण्डस्टि्रजका सञ्चालक के.एल. वैद्यको भनाइ छ।
विद्युत् विकासका लागि नेपाल सरकारको लगानीका साथै वैदेशिक लगानी प्रवर्द्धनमा जोड दिनुपर्ने व्यवसायीहरूले बताएका छन्। कृषिको उर्वर क्षेत्र मानिने बाँके जिल्लामा रासायनिक मल, गुणस्तरीय बीउ, सिँचाइ र शित भण्डारको समस्या भएको कृषकहरूले बताए। कृषकलाई राहत हुने खालका कार्यक्रम सरकारले नल्याएको गुनासो गरे। बाँकेमा निर्माणाधीन सिक्टा सिँचाइलाई छिटो छरितो सम्पन्न गरे कृषि उत्पादन अत्यधिक बढ्ने उनीहरूको भनाइ छ।
लामो समयदेखि कृषकहरूसँग मिलेर काम गर्दै आएको केएल दुगड गु्रपका प्रबन्धक छाछेडले जिल्लामा माटो परीक्षण गरी सुहाउँदो खेती गर्न सरकारले पहल गर्नुपर्ने बताउनुभयो। नेपालगन्जमा सडक, ढल निकास, व्यवस्थित बजारीकरणजस्ता समस्याले यहाँका होटलहरूमा विकास हुन नसकेको होटल व्यवसायीहरूले बताएका छन्। बाहृय पर्यटकहरूले यहाँको अवस्था देखेर आउन नमान्ने कारण र भारत भएर आउने पर्यटकका लागि मध्य तथा सुदूरपश्चिमका पर्यटकीय क्षेत्रको बारेमा परिचित बनाउन आगामी नीति तथा बजेटले छुनु पर्ने उनीहरूको भनाइ छ।
नेपालगन्ज उद्योग वाणिज्य सङ्घका अध्यक्ष सुनिलकुमार शर्माले नेपालगन्जको समग्र विकासका लागि आगामी बजेटमा जडीबुटीको प्रशोधन केन्द्र, शित भण्डारण केन्द्र, पशु तथा कृषि जाँचका लागि उच्चस्तरीय ल्याब र कृषि सडकमा विशेष बजेट छुट्याउनुपर्ने माग गर्नुभयो।
त्यसैगरी अर्थशास्त्री डा. आरके शाहले जुम्लाको स्याउको जुस बनाउन आगामी बजेटमा जुस प्रशोधन केन्द्रको लागि रु. एक अर्ब बजेट छुट्याउनु पर्ने बताउनुभयो। मासु र दूध उत्पादनका लागि यो क्षेत्र महìवपूर्ण भएकाले किसानलाई राहत हुने खालका कार्यक्रम ल्याउनुपर्ने जिल्ला पशु सेवा कार्यालय बाँकेका पशु चिकित्सक डा. जनक भण्डारीले बताउनुभयो।
नेपाल राष्ट्र बैङ्क, अनुसन्धान विभाग काठमाडौँका निर्देशक डा. शङ्करप्रसाद आचार्यले आगामी बजेट विगतका बजेटभन्दा प्रभावकारी हुने बताउनुभयो।
कार्यक्रममा नेपाल राष्ट्र बैङ्क नेपालगन्जका मुख्य व्यवस्थापक जनक अधिकारी र व्यवस्थापक कल्याण बन्धु अर्यालले आगामी बजेटले सम्पूर्ण क्षेत्रलाई प्रभावकारी रूपमा समेटेर जानुपर्ने
धारणा राखेका थिए।
