क्ाठमाडौँ, वैशाख ५ गते। एक दिनको दस लाख रुपियाँ भाडा लिने दशरथ रङ्गशालाको वाषिर्क आम्दानी कति होला ? राष्ट्रिय सङ्घले वाषिर्क स्वीकृत कार्यक्रमबाहेक विभिन्न संस्थाले गरेको कार्यक्रमबाट भने गतवर्ष रङ्गशालाले मात्र ७० हजार रुपियाँ आम्दानी गरेको राष्ट्रिय खेलकुद परिषद् -राखेप)सँग आँकडा छ।

अखिल नेपाल फुटबल सङ्घलगायत राष्ट्रिय खेलकुद परिषद्सँग आबद्ध अन्य सङ्घसंस्थासँग राखेपले कार्यक्रमबापतको शुल्क नलिने गरेको छ। राखेपले पि्रमियर स्कुल, रुपिज इन्टरनेसनल स्कुल, आइडियल मोडल स्कुल, रोज बड, चेल्सी, अरनिको, बक्स अफिस र मिडिया एक्टले गरेको कार्यक्रमबाट उठेको शुल्कबाट ७० हजार रुपियाँ आम्दानी गरेको हो।

परिषद्का अनुसार स्कुल, कलेज, क्लब तथा अन्य सङ्घसंस्थाले रङ्गशाला प्रयोग गर्दा फुटबल मैदानको भाडा प्रतिदिन २० हजार, सेन्थेटिक ट्रयाक प्रयोग गर्दा प्रतिदिन १० हजार, फिल्ड र ट्रयाक दुवै प्रयोग गर्दा २५ हजार रुपियाँ तिनुपर्छ।

राष्ट्रिय खेलकुद परिषद्ले आफ्नो आयआर्जन बढाउनका लागि २०६८ साल कात्तिक २८ गतेबाट लागू हुनेगरी रङ्गशालाको आम्दानी वृद्धि गर्नका लागि भाडा वृद्धि गरे पनि आम्दानीमा भने खासै वृद्धि हुन नसकेको देखिएको छ।

रङ्गशालामा सांस्कृतिक एवम् मनोरञ्जनात्मक कार्यक्रम गर्नुपर्दा प्रतिदिन दस लाख रुपियाँ भाँडा तिर्नुपर्छ। यतिमात्र होइन, पूर्वतयारीका लागि १५ हजार, 'डिपोजिट' पाँच लाख, भौतिक पूर्वाधारको बिमा ७५ लाख, फ्लड लाइट प्रतिघण्टा १५ हजार, स्कोर बोर्ड प्रयोग गर्दा प्रतिघण्टा तीन हजार, सरसफाइका लागि दस हजार रुपियाँ तिर्नुपर्ने गरी शुल्कमा वृद्धि गरेको थियो।

राखेप सामान्य प्रशासन शाखाका प्रमुख मदनजङ राणाले रङ्गशालाको ७० हजार रुपियाँ आम्दानी सकारात्मक भएको बताउँछन्। राणाले भने- सकेसम्म हामीले संस्कृति एवम् मनोरञ्जनात्मक कार्यक्रममा कमी ल्याउनका लागि रङ्गशालाको शुल्क बढाएका हौँ। खाली समयमा मात्र हामी रङ्गशाला दिन्छौँ। यस्तो अवस्थामा पनि ७० हजार आम्दानी गर्नुलाई नकारात्मक रूपमा लिन मिल्दैन।

आम्दानी बढाउन रङ्गशालामा राखिने होर्डिङ बोर्डको शुल्क पनि वृद्धि गरिएको जानकारी दिए। परिषद्को आम्दानी वृद्धि गर्न त्रिपुरेश्वरको कभर्ड हल, लैनचौरको टेबुलटेनिस कभर्डहल, स्विमिङ पुल प्रयोगबापतको शुल्क वृद्धि गरेको पनि राणाले जनाए।