|
लन्डन, वैशाख १९ गते। बेलायतको लन्डनमा आयोजना हुन लागेको ओलम्पिकलाई ठूलो रकम तिरेर प्रयोजन गर्न चाहेको अमेरिकाको तयारी खाना बनाउने कम्पनी म्याकडनल्सलाई बेलायती चिकित्सकहरूले चुनौती दिएका छन्। विश्वमै ख्याति कमाएको अमेरिकी तयारी खाना बिक्री गर्ने कम्पनी म्याकडनल्सको लोकपि्रयता उच्च छ। ओलम्पिक अवलोकनका लागि आउने दर्शकहरूलाई आवश्यक पर्ने तयारी खान बिक्री गर्न सो कम्पनीले मोटै रकम प्रयोजन गर्न चाहको भए पनि बेलायतको एकेडमी अफ रोयल मेडिकल कलेजका डाक्टरहरूले म्याकडनल्सको तयारी खानाले मोटोपन निम्त्याउन सघाउने भन्दै त्यसको प्रयोजनको विरोध गरेका छन्।
लन्डनको ओलम्पिक पार्कमा एकै पटकमा एक हजार पाँच सय ग्राहकका लागि खाद्य तथा पेय पदार्थ बिक्री गर्न सम्भव हुने गरी रेस्टुराँ सञ्चालनको तयारी गर्दै प्रायोजकको लागि खर्च गर्न तयार भएको म्याकडनल्सका खानाहरूले मोटोपन -ओबिसिटी) भएकाहरूलाई अझ मोटाउन सघाउने भन्दै विरोध भएको हो। लन्डन ओलम्पिकमा म्याकडनल्स तथा कोकाकोलालाई ओलम्पिक पार्कभित्र नै मदिरारहित खाद्य तथा पेय पदार्थ बिक्रीका लागि स्वीकृति दिइएको छ भने हिनिकियन बियरलाई ओलम्पिकमा अफिसियल बियरको रूपमा स्वीकार गरिएको छ।
एकेडमी अफ रोयल मेडिकल कलेजले बेलायती सरकारसमक्ष आगामी जुलाई २७ देखि अगस्ट १२ सम्म लन्डनमा आयोजना हुने ओलम्पिकका बखत म्याकडनल्स, कोकाकोला र हिनिकिन बियरलाई विज्ञापन गर्न प्रतिबन्ध लगाउन माग गरेको छ।
तर ओलम्पिकका आयोजकहरूले भने डाक्टरहरूको उक्त मागको बेवास्ता गर्दै कुन वस्तु खरिद गर्ने वा नगर्ने भन्ने कुरा उपभोक्ताको अधिकार भएकोले लन्डन ओलम्पिकका प्रमुख प्रायोजकहरूलाई प्रदान गरिएको स्वीकृतिमा फेरबदल नहुने दावी गरेका छन्। बेलायतमा हाल कुल जनताको एक तिहाइ जति मोटपन -ओबिसिटी) को सिकार भएको र त्यस्तो जनसङ्ख्या आगामी सन् २०३० सम्ममा कुल जनसङ्ख्याका आधा पुग्ने खतरा रहेकोमा चिकित्सकहरूले चिन्ता व्यक्त गर्दै त्यस्तो समस्याका लागि जुभ\mनका लागि बेलायती सरकारको स्वास्थ्य सेवामा करिब छ अर्ब ५० करोड अमेरिकी डलर प्रत्येक वर्ष खर्चिनु परेको बताइएको छ। |
