काठमाडौँ, वैशाख २० गते। सूचना तथा सञ्चारमन्त्री राजकिशोर यादवले नेपाली सञ्चार क्षेत्रलाई मर्यादित र सम्मानित बनाउन सञ्चारकर्मीहरूकै भूमिका महìवपूर्ण हुने बताउनुभएको छ।
"पेसालाई नै बदनाम गर्ने गरी नाजायज फाइदा उठाउने 'चार्मिङ' पेसा हो भनिन्छ पत्रकारिता", विश्व प्रेस स्वतन्त्रता दिवसको सन्दर्भमा राजधानीमा बुधबार आयोजित कार्यक्रममा मन्त्री यादवले भन्नुभयो- "कार्डका भरमा काम गर्न पत्रकार किन तयार हुन्छन् ? यसैको आडमा तस्करी र माफियाको सहयोगी त बनेका छैनन ?"
उहाँले नेपाल पत्रकार महासङ्घ उपत्यका शाखा र प्रतिष्ठान शाखाद्वारा संयुक्त रूपमा आयोजित 'प्रेस तथा अभिव्यक्ति स्वतन्त्रताको जगेर्ना, श्रमजीवी पत्रकारको हित' विषयक अन्तरक्रियामा यस्तो विचार व्यक्त गर्नुभएको हो।
उहाँले श्रमजीवी पत्रकार ऐन लागू गर्न सरकार प्रतिबद्ध रहेको भन्दै संविधान निर्माणलगायतका कार्यमा सरकारको ध्यान केन्दि्रत भइरहेकाले श्रमजीवी ऐन अनुगमनमा ध्यान जान नसकिरहेको बताउनुभयो। उहाँले नयाँ बन्ने संविधानमा प्रेस तथा अभिव्यक्ति स्वतन्त्रताको सुनिश्चितता हुने विश्वास व्यक्त गर्दै पत्रकारिता कल्याण कोष स्थापनाका लागि मन्त्रालयले छलफल चलाइरहेको बताउनुभयो।
कार्यक्रममा नेपाल पत्रकार महासङ्घका अध्यक्ष शिव गाउँलेले प्रेसलाई नियन्त्रण गर्न मिल्ने ढङ्गले नयाँ संविधानमा व्यवस्था गर्न लागिएको भन्दै प्रेस तथा अभिव्यक्ति स्वतन्त्रतामाथि अङ्कुश लगाउने कुनै पनि प्रावधान नराख्न आग्रह गर्नुभयो। उहाँले श्रमजीवी पत्रकार ऐन लागू गर्न सरकारले सञ्चारगृहमाथि कडा निगरानी राख्नुपर्ने बताउनुभयो।
यस्तै, न्यूनतम पारिश्रमिक निर्धारण समितिका अध्यक्ष गोविन्द आचार्यले प्रेस तथा अभिव्यक्ति स्वतन्त्रतामाथि अङ्कुश लगाउनेहरूमाथि नै कारबाही गर्ने व्यवस्था संविधानमा गर्नुपर्ने बताउनुभयो।
यसैगरी, क्रान्तिकारी पत्रकार सङ्घका अध्यक्ष महेश्वर दाहालले नेपाली पत्रकारिता उत्पीडित जनता र वर्गको प्रवक्ता बन्न नसकेको भन्दै जननियन्त्रण, जनहस्तक्षेप र जननिगरानीको व्यवस्था संविधानमा राख्नुपर्ने बताउनुभयो। उहाँले राष्ट्रिय स्वाधीनता र उत्पीडित
