वेम्बले  वैशाख २४ गते। चेल्सीले शनिबार राति लिभरपुललाई २-१ ले हराएर एफए कपको उपाधि जितेको छ।

रामिरेज र डिडियर ड्रोग्बाले गोल गरेपछि चेल्सीले पछिल्ला छ वर्षमा चौथो पटक एफए कप हात पारेको हो। लिभरपुलविरुद्ध उत्तरार्द्धमा गोल गरी ड्रोग्बा चार फाइनलमा गोल गर्ने पहिलो खेलाडी बनेका छन्। उत्तरार्द्धमा लिभरपुलबाट पूरै दबाब खेपे पनि चेल्सीले एएफए कपको १३१ औँ फाइनल जित्न सफल भयो।

खेलको ११औँ मिनेटमा रामिरेलजे लिभरपुलका डिफेन्डरको ठूलो गल्तीमा गोल गरी चेल्सीलाई अग्रता दिलाए। त्यसपछि खेलको ५२औँ मिनेटमा ड्रोग्बाले चेल्सीको अग्रता दोब्बर पारे। वेम्बलेमा खेलेका आठ खेलमा ड्रोग्बाको यो आठौँ गोल हो। प|mान्क लाम्पार्डको पासलाई सदुपयोग गर्दै ड्रोग्बाले गोलपोस्ट नजिकबाट बल गोलपोस्टमा छिराएका हुन्।

ड्रोग्बा मेरो हिरो हुन्, मेलै ड्रोग्बा जस्तो फाइनलमा महìवपूर्ण गोल गर्ने स्ट्राइकर देखेको छैन- चेल्सीका लाम्पार्ड भन्छन्।

लिभरपुलका स्थानापन्न खेलाडी एन्डी क्यारोलले खेलको ६४औँ मिनेटमा एक गोल फर्काएपछि फाइनल रोचक बनेको थियो। केही समयपछि क्यारोलले अर्को हेड गोलको अपिल पनि गरेका थिए तर रेप|mीले बलले गोलरेखा पार नगरेको भन्दै लिभरपुलको पक्षमा निर्णय दिएनन्। टेलिभिजन रिप्लेमा रेप|mीको निर्णय सही देखिएको थियो।

चेल्सी अब च्याम्पिन्स लिग उपाधि जित्ने पर्खाईमा छ। चेल्सीले दुई सातापछि बायर्न म्युनिखसँग युरोपेली फुटबलको सर्वाधिक प्रतिष्ठित क्लब फुटबल प्रतियोगिता उपाधि भिडन्त गर्दैछ।

दुई महिनाअघि रोवर्टो डि माटियोले अन्तरिम प्रशिक्षको जिम्मेवारी सम्हालेपछि चेल्सीले शानदार प्रदर्शन गरिरहेको छ। चेल्सी सङ्कटमा छँदा माटियोले एन्डि्र भिलास बोयसको स्थान लिएका हुन्।

'माटियो विलक्षण छन्, उनले क्लबको पूरै कायापलट गरिदिए- लाम्पार्डले आˆना प्रशिक्षकको प्रशंसामा पनि शब्द खर्चे। लिभरपुलविरुद्धको जितपछि जोन टेरी एउटै क्लबमा आबद्ध रही एएफए कप चार पटक जित्ने पहिलो कप्तान बनेका छन्।

मेसीको चार गोल

बार्सिलाना। लियानल मेसीले चार गोल गरेपछि आइतबार राति स्पेनी लिगमा बार्सिलोनाले इस्पानियोललाई ४-० ले हराएको छ। यस सत्रमा घरेलु मैदानमा बार्सिलोनाको यो अन्तिम खेल थियो। यस सत्रमा मेसीको गोलसङ्ख्या ७२ पुगेको छ। एपी