काठमाडौँ, वैशाख २५ गते। एसियाली विकास बैङ्क -एडीबी)को फिलिपिन्सको मनिलामा सम्पन्न ४५औँ वाषिर्क बैठकमा सहभागी भई निवर्तमान अर्थ राज्यमन्त्री हरिराज खेवा लिम्बुको नेतृत्वमा गएको नेपाली प्रतिनिधि मण्डल स्वदेश फर्किएको छ।

प्रतिनिधि मण्डलमा अर्थ सचिव कृष्णहरि बास्कोटा, मन्त्रालयका वैदेशिक समन्वय महाशाखाका प्रमुख लालशङ्कर घिमिरे, उपसचिव कैलाश पोखरेल सहभागी रहेको सो मन्त्रालयले जनाएको छ।

बैठकमा बोल्दै अर्थ राज्यमन्त्री लिम्बुले शान्ति र संविधान निर्माणको काममा राजनीतिक दलहरूबीच सहमतिको वातावरण तयार भएको र सरकारले सुशासन एवं आर्थिक विकासको कार्ययोजना अनुसार काम गरिएको भन्दै नेपालको समष्टिगत अर्थतन्त्रका परिसूचकहरू सकारात्मक रहेको तथा एसियाली विकास बैङ्कको सहयोग फलदायी रहेको बताउनुभयो।

नेपाली प्रतिनिधि मण्डलले एडीबी अध्यक्षसँग विशेष समय लिई मेलम्ची खानेपानी आयोजना शीघ्र सम्पन्न गर्न, माथिल्लो सेती -तनहँु) जलविद्युत्् आयोजनामा नपुग भएको रकम जुटाउन, संविधान निर्माणपछि नेपाललाई आवश्यक पर्ने क्षेत्रमा सघाउन आग्रह गरेको थियो।

प्रतिउत्तरमा एडीबीका अध्यक्ष, उपाध्यक्ष, कार्यकारी निर्देशक र महानिर्देशकले सकारात्मक जवाफ दिएको मन्त्रालयले जनाएको छ। सो क्रममा दक्षिण एसियाली अर्थमन्त्रीहरूको बैठक आयोजना भएको र बैठकमा अर्थसचिव बास्कोटाले सार्कको भावनाअनुसार क्षेत्रीय सहयोगमा जोड दिनुपर्ने, साˆटाको मान्यताअनुसार क्षेत्रीयस्तरमा व्यापार र लगानी बढाउनु पर्ने, सार्क सचिवालयले तयार गरेको क्षेत्रीय लगानीको सुरक्षा र प्रवर्द्धनसम्बन्धी प|mेमवर्क एगि्रमेन्टमा सबै सदस्य राष्ट्रले हस्ताक्षर गर्नुपर्ने, यस क्षेत्रको आर्थिक सम्भावनालाई उजागार गर्न सबै मुलुकले उत्साही भई मित्रवत् व्यवहारले काम गर्न अत्यावश्यक भएको कुरामा जोड दिनुभएको थियो।