|
ब्ल्याकबर्नर् , वैशाख २६ गते। ब्ल्याकबर्नर् सोमबार राति विगानसँग घरेलु मैदानमा १-० ले स्तब्ध बनेपछि इङ्गलिस पि्रमियर लिगको रेलिगेसनमा परेको छ। विगान भने जितसँगै पि्रमियर लिगमा कायम हुने पक्का भएको छ।
सन् १९९५ को विजेता ब्ल्याकबर्नर्ले चालु सत्रमा आठ जित, २२ हार र सात बराबरीको प्रदर्शन गर्दै १९ औँ स्थान बनायो। खेलको अन्तिम सिटी बजेपछि क्रुद्ध ब्ल्याकबर्नका समर्थक मैदानभित्र प्रवेश गरी हुलदङ्गा गरेका थिए। उनीहरूले ब्ल्याकबर्न पि्रमियर लिगबाट झर्नुको दोष प्रशिक्षकमाथि लगाएका छन्। यसअघि, नै वोल्भरहाम्पटन -५-२२-१०) रेलिगेसनमा परिसकेको छ। रेलिगेसनमा पर्ने तेस्रो टिमको टुङ्गो आइतबार लाग्नेछ।
विगान पछिल्ला आठमध्ये छ खेल जितेर १५ औँ स्थानमा उक्लेको छ। विगानका प्रशिक्षक रोवर्टो मार्टिनेजले पछिल्ला आठमध्ये छ खेल जितेर रेलिगेसनबाट मुक्त भएँ भनेर अहिले पनि विश्वास नलागेको प्रतिक्रिया दिए।
यस सत्रको अन्तिम दिन तीन टिम रेलिगेसनबाट बच्ने प्रयासमा रहनेछन्। एस्टन भिल्ला -७-१३-१७) सँग ३८ अङ्क छ। क्विन्स पार्क रेन्जर्स -१०-२०-७) एक अङ्कले पछाडि छ। बोल्टनभन्दा क्विन्स पार्क तीन अङ्कले अगाडि छ। यसैले, यी तीन टिममध्ये एस्टन भिल्ला सुरक्षित देखिन्छ। भिल्ला गोलअन्तरमा पनि बोल्टनभन्दा सात गोलले अगाडि छ।
सन् १९६८ पछि म्यानचेस्टर सिटी -२७-५-५) पहिलो लिग उपाधिको पर्खाइमा छ। म्यान्चेस्टर युनाइटेडसरह समान अङ्क बनाए पनि आठ गोलको फाइदामा रहेकोले सिटीले अन्तिम खेल जितेमा मात्र पनि उपाधि जित्ने पक्का छ।
सन् १९८९ मा पनि शीर्ष दुई टिमले समान अङ्कसहित लिग सकाएका थिए। सो समय आर्सनल र लिभरपुलले समान अङ्क बनाएका थिए तर आर्सनलले राम्रो गोल अन्तरको आधारमा लिग उपाधि जित्यो।
यसैगरी, रिडिङ र साउथहृयाम्पटन लिग च्याम्पियनसीपमा क्रमशः पहिलो र दोस्रो स्थानमा सकाएर पि्रमियर लिगमा बढुवा भएका छन्। अब तेस्रो टिमको रूपमा पि्रमियर लिगमा प्रवेश पाउने आशामा वेस्टहृयाम घरेलु मैदानमा कार्डिफलाई ३-० ले हराएर, पि्रमियर लिगमा पुनरागमन गर्ने सम्भावनालाई जिवितै राखेको छ। जीतसँगै वेस्टहृयाम तेस्रो स्थानको प्लेअफमा छनोट भएको छ। एपी |
