विराटनगर, वैशाख २९ गते। विकास निर्माणका लागि सरकारले दिइएको रकम राजनीतिक दलका संयन्त्र मिलेर दुरुपयोग गरेको र विवादका कारण खर्च नभएर बजेट पि|mज भएको धेरै खबर सुनिने गरेकै हो तर यहाँ एउटा बेग्लै घटना सार्वजनिक भएको छ।

दलका नेता तथा जनप्रतिनिधि नहुँदा गाविस चलाउने सरकारी कर्मचारी गाविस सचिवबीच अनियमितताका लागि मात्र होइन, विकासका लागि सहकार्य गर्न सके गाउँको विकासलाई गति दिन सकिन्न भन्ने उदाहारण मोरङको बेलवारी गाविसले प्रस्तुत गरेको छ।

मोरङ उत्तर पूर्वमा रहेको पूर्वपश्चिम लोकमार्गमा पर्ने बेलवारी गाउँ विकास समितिलाई सरकारले चालु आर्थिक वर्षमा २५ लाख ५० हजार रुपियाँ अनुदान रकम उपलब्ध गराएको छ। धेरै गाविसले प्राप्त गरेको यस्तो रकम दुरुपयोग गरेको सुनिए पनि बेलवारीमा भने स्थानीयवासी र गाविस सचिवको सक्रियतामा करिब रु. छ करोड रुपियाँ विकासमा खर्च गरिएको छ। सरकारले दिएको भन्दा बीस गुणा बढी रकम विकास निर्माणमा खर्च गरेर बेलवारी नमुना बनेको छ।

गाविस सचिव पदम विनोद घिमिरे भन्नुहुन्छ- 'जनतालाई विश्वासमा लिन सकियो भने विकासका लागि करोडौँ रकम सङ्कलन गर्न सकिन्छ, जब जनतालाई दलका प्रतिनिधि र सरकारका कर्मचारीको विश्वास लाग्छ, जनता सर्वस्व दिन पनि तयार हुन्छन्।' बेलवारी गाउँ विकास समितिको विकास जनताको सहभागितामा अघि बढेको हो।

विकास निर्माणको कामलाई अगाडि बढाउँदा स्थानीय बस्तीमा उत्साही भएर आफ्नो बाटोघाटो र सडक ढल निर्माणमा जुटिरहेका छन्। यो आर्थिक वर्षमा बेलवारी गाविसअन्तर्गत लालभित्ती शुक्रवारे सडक खण्डको एक किलोमिटर बाटो कालोपत्रे भएको छ। त्यसमा स्थानीयवासिले ४० लाख नगद सङ्कलन गरेर गाविसलाई दिएका थिए।

यसैगरी लालभित्ती केराबारी सडक खण्डको करिब तर किलोमिटर बाटोमा कालोपत्रे गर्ने तयारी अन्तिम चरणमा पुगेको छ। त्यसका लागि स्थानीयवासीले रु. ९३ लाख नगद सङ्कलन गरेर गाउँ विकास समितिको जिम्मा लगाएका छन्। त्यसका लागि स्थानीयवासी र गाविसको पहलमा मन्त्रालयले रु. ४० लाख निकासा गरिदिएको छ।

राजनीतिक दलका उच्च तहका नेताहरूको पहुँच नभएको गाविसमा विकासका लागि रकम निकासा ल्याउन चानचुने नभएको भए पनि जनता सक्रिय भएको खण्डमा कसैले रोक्न नसक्ने स्थानीय रामकुमार राई बताउनुहुन्छ।

जनसहभागिताबाट सङ्कलन भएको रु. ४० लाखले मालपोत कार्यालय कसेनी कृषि सडकको १५ सय मिटर सडकमा कालोपत्रे सकिएको छ। यस्तै जनक मार्ग ग्राभेल गर्न रु. १० लाख र बेलवारी भोगटेनी जोड्ने रत्न मार्ग निर्माणका लागि स्थानीयवासीले ४० लाख रपियाँ सङ्कलन गरेको गाविस सचिव घिमिरेले बताउनुभयो।

यसैगरी पूर्वपश्चिम लोकमार्गको दुवैपट्ट िसडक किनारमा ढल निर्माण गर्न स्थानीयवासीले रु. ८४ लाख सङ्कलन गरेर गाविसलाई दिएका छन्। ढल निर्माणको काम अहिले सुचारु रहेको छ।

लामो समयदेखि स्थानीय निकायको निर्वाचन नभइरहेको बेला जनताको अभिभावकìव निर्वाह गर्ने निकाय गठन नभएका कारण विकास निर्माण अवरुद्ध भएको धेरैको बुझाइ छ। गाविस सचिव घिमिरे जनताले अभिभावक सम्झेका कारण बेलवारीमा विकासले गति लिएको र सबै काम जनसहभागिताको माध्यमबाट उपभोक्ता समिति मातहत रहेर भइरहेको उहाँले जानकारी दिनुभयो।