काठमाडौँ, जेठ २ गते । सरकारले पेट्रोलियम पदार्थको आपूर्ति सहज गर्न नेपाल आयल निगमलाई रु. दुई अर्ब १० करोड रुपियाँ ऋण सहायता दिने निर्णय गरेको छ ।

मन्त्रिपरिषद्को आज बिहान बसेको बैठकले अर्थ मन्त्रालयबाट रु. ५० करोड, कर्मचारी सञ्चयकोषबाट रु. ६० करोड र नागरिक लगानी कोषबाट रु. एक अर्बसमेत गरी रु. दुई अर्ब १० करोड नेपाल आयल निगमलाई ऋण दिने निर्णय गरेको मन्त्री वर्षमान पुनले जानकारी दिनुभयो ।

यसैगरी गत फागुन ५ गते काठमाडौँको बबरमहलमा भएको बम विस्फोटनमा परी निधन भएका कृष्णबहादुर तामाङ, वीरबहादुर तामाङ र मानबहादुर तामाङका आश्रति परिवारलाई प्रतिपरिवार रु. आठ लाख ५० हजार आर्थिक सहायता उपलब्ध गराउने बैठकले निर्णय गरेको उहाँले बताउनुभयो । सरकारले नेपाल बार एसोसिएसनलाई संयुक्त राष्ट्रसङ्घीय मानव अधिकार उच्चायुक्तको कार्यालय -ओएचसिआर) बाट उपलब्ध हुने ल्याण्डक्रुजर गाडीमा लाग्ने भन्सार र अन्तःशुल्क छुट दिने निर्णय गरेको छ ।

यसैगरी, बैङ्ककमा हुने एसिया प्यासिफिक क्षेत्रका लागि संयुक्त राष्ट्रसङ्घीय आर्थिक र सामाजिक आयोग -स्क्याप) को बैठकमा भाग लिन राष्ट्रिय योजना आयोगका उपाध्यक्ष दीपेन्द्रबहादुर क्षेत्रीलाई पठाउने निर्णय भएको जानकारी मन्त्री पुनले दिनुभयो । आजको बैठकका लागि तय भएका अन्य महìवपूर्ण प्रस्तावलाई अर्काे बैठकमा सारिएकोे जानकारी पनि उहाँले दिनुभयो ।