बाँके, जेठ ९ गते। फिफा दिवसका अवसरमा सोमबार नेपालगञ्जमा बालबालिकाबीच मैत्री फुटबल खेल भएको छ। कारकाँदोमा ओसोनिक क्लबले १२ वर्ष उमेर समूहका बालबालिकाबीच मैत्रीपूर्ण खेल आयोजना गरेको हो।
ओसोनिकले गत कात्तिकदेखि १२ वर्ष उमेर समूहका बालबालिकालाई फुटबल प्रशिक्षण दिइरहेको छ। ओसोनिक क्लबका अध्यक्ष भोजराज शाहीका अनुसार प्रशिक्षणमा ६० बालबालिका सहभागी छन्। क्लबले फुटबल प्रशिक्षण सफलपूर्वक सम्पन्न भएको भन्दै आइन्दा अभिभावक र खेलाडी स्वयम् अग्रसर हुनुपर्नेमा जोड दिएको छ। सधैँभरि हामीले खेलाडीलाई सहयोग गर्ने अवस्था छैन, क्लबका अध्यक्ष शाहीले भने- अब अभिभावक र खेलाडी स्वयम्ले जिम्मेवारी लिनुपर्छ।
फुटबल प्रशिक्षणका लागि क्लबले कसैबाट सहयोग नलिएको जनाएको छ। फिफा दिवसमा भएको प्रतियोगितामा ओसोनिक परपल प्रथम, ओसोनिक रातो द्वितीय, ओसोनिक नीलो तृतीय भए।
ओसोनिक क्लबले बाँकेको सीतापुर, बढरापुर, बागेश्वरी र नेपालगञ्ज रङ्गशालामा युवायुवतीका लागि लक्ष्यित गरेर फुटबल प्रशिक्षण कार्यक्रम गरेको छ।
