बेसीसहर, जेठ ९ गते। लमजुङको एक निजी विद्यालयमा बन्दको बेला पठनपाठन गराएको भन्दै आदिवासी जनजातिका बन्दकर्ताहरूले विद्यालयका पि्रन्सिपललाई कान समातेर ३० पटक उठबस गराएका छन्। लमजुङको अर्चलबोट गाउँ विकास समितिको वडा नं. ७ अलौचे फाँटमा रहेको मस्र्याङ्दी भूपू सैनिक बोर्डिङ स्कुलका पि्रन्सिपल भुवन दाहाललाई आन्दोलनकारीले यस्तो कार्बाही गरेका हुन्। करिब ७० जनाको समूहमा आएका बन्दकर्ताले बन्दको समयमा विद्यायालय सञ्चालन गरेको भन्दै विद्यालयका अध्यक्ष, अभिभावक र शिक्षकहरूलाई समेत अपमानजनक शब्द बोलेका विद्यालयले जनाएको छ।

आन्दोलनकारीले आक्रोशपूण्र्ँ शैलीमा विद्यालयमा आगजनी र तोडफोड गर्ने धम्की दिंदै पि्रन्सिपलले विद्यालय चलाएकोमा नैतिक जिम्मेवारी लिनुपर्ने भन्दै जबरजस्ती कान समातेर विद्यालय परिसरमै उठबस गराएका थिए।

विद्यालय व्यवस्थापन समितिका अध्यक्ष मानबहादुर कुंवरले जानकारी नभएर विद्यालय सञ्चालन गरिएको अवस्थामा कार्बाही गरिएको बताउनुभयो। कक्षा ४ सम्म पठनपाठन हुँदै आएको सो विद्यालयमा आइतबार भएको घटनापछि सोमबार भने विद्यालय बन्द

गरिएको छ। उक्त घटनाका बारेमा आदिवासी जनजाति तमुवान सङ्घर्ष समिति लमजुङका अध्यक्ष प्रेम घलेले बन्दले देश नै ठप्प रहेको बेला विद्यालय सञ्चालन गर्नु राम्रो नभएको बताउनुभयो तर, पि्रन्सिपललाई उठबस गराइएको घटनाका बारेमा भने आफू अनभिज्ञ रहेको उहाँको दावी थियो।

यता, लमजुङको बँंझाखेत-१ खासुरमा रहेको जनजागृति माध्यमिक विद्यालय बन्दको पहिलो दिन आइतबार सञ्चालन भए पनि बन्दकर्ताको दबाबपछि सोमबार भने बन्द गरिएको छ। उक्त विद्यायलयमा बन्दकर्ताको चर्को दबाब आएपछि बिदाको समयमा पठनपाठन गर्ने गरी बन्द गरिएको विद्यालय व्यवस्थापन समितिका अध्यक्ष पृथ्वीमान घलेले बताउनुभयो। यसअघि विद्यालयले कुनै पनि बन्दमा विद्यालय बन्द नगर्ने घोषण्ँा गरेको थियो।

आदिवासी जनजाति महासङ्घले गरेको बन्द अन्यत्रको तुलनामा लमजुङमा शान्तिपूण्र्ँ रहेको छ। बन्दको कारण्ँ यातायात, बजार, विद्यालय, वित्तीयसंस्था पूण्र्ँरूपमा ठप्प रहेका छन्।