बेङ्गलोर -भारत), जेठ ११ गते। कप्तान महेन्द्रसिंह धोनीले विस्फोटक अर्धशतकीय पालि खेलेपछि पछिल्ला दुईपटकको विजेता चेन्नई सुपर किङ्सले बुधबार इन्डियन पि्रमियर लिग
-आईपीएल)को 'प्लेअफ इलिमिनेटर'मा मुम्बई इन्डियन्सलाई ३८ रनले हराएको छ।
यस नतिजापछि मुम्बई इन्डियन्स आईपीएलबाट बाहिरिएको छ भने फाइनलमा स्थान बनाउन चेन्नईले अब दिल्ली डेयरडेभिल्सविरुद्ध खेल्नेछ। दिल्ली प्लेअफ क्वालिफायरमा कोलकाता नाइट राइडर्ससँग पराजित भएको थियो। कोलकाता फाइनलमा पुगिसकेको छ।
धोनीले सङ्कटको समयमा २० बलमा अविजित ५१ रन बनाएपछि चेन्नईले पहिले ब्याटिङ गर्दै पाँच विकेटको क्षतिमा १८७ रनको योगफल तयार पारेको थियो। त्यसपछि चेन्नईले मुम्बईलाई नौ विकेटको क्षतिमा १४९ रनमा रोक्यो।
चेन्नईको जितमा वेस्टइन्डिजका अलराउन्डर ड्वायन ब्राभोले पनि महìवपूर्ण योगदान दिए। धोनीसँग अविजित साझेदारी गर्ने क्रममा ब्राभोले अविजित ३३ रनमात्र बनाएनन् बलिङले पनि मुम्बईलाई निराश पार्दै दस रनमा दुई विकेट लिए। धोनी र ब्राभोले मात्र २९ बलमा ७३ रन जोडेका थिए। धोनीले दुई छक्का र चार चौका प्रहार गरे। यसैगरी ब्राभोको १४ बलको पालिमा पनि दुई छक्का र तीन चौका सामेल थियो।
यसअघि मुम्बईका तेजबलर धवल कुलकणर्ीको बलिङले चेन्नईको सुरुवात निकै खराब भएको थियो। कुलकणर्ीले प्रारम्भिक ब्याट्सम्यानद्वय मुरली विजय र सुरेश रैनालाई आउट गरेपछि चेन्नईको स्थिति एक रनमा दुई विकेट भएको थियो। माइक हसी -४९ रन) र सुब्रमण्यम बद्रीनाथ -४७ रन)ले तेस्रो विकेटका लागि ९३ रनको साझेदारी गरी चेन्नईको पालि सुधारे। यद्यपि यी दुवै ब्याट्सम्यान लगातार ओभरमा आउट भए। त्यसपछि धोनीले आक्रामक ब्याटिङ गरी चेन्नईलाई विशाल योगफलमा पुर्याए। मुम्बईका लागि कुलकणर्ीले कुल तीन विकेट लिए।
धोनीले जितको श्रेय बद्रीनाथ र हसीलाई दिएका छन्। यी दुईको प्रयासले नै ब्राभो र मैले राम्रो ब्याटिङ गर्ने मौका पाएँ -धोनीले खेलपछि भने।
प्रारम्भिक ब्याट्सम्यान ड्वायन स्मिथ -२२ बलमा ३८ रन)को सहयोगमा मुम्बईले राम्रो सुरुवात गरेका थिए तर मुम्बईले सोही लय कायम राख्न सकेन। चेन्नईको शानदार फिल्डिङले पनि मुम्बई दबाबमा परेको थियो।
सचिन तेन्दुलकर सुरुमै रनआउट भएपछि एल्बी मोर्केलले दिनेश कार्तिक र रोहित शर्मालाई लगातार ओभरमा पवेलियन फर्काए। त्यसपछि ड्वायन ब्राभोले महìवपूर्ण दुई विकेट आउट गरे। एपी
