काठमाडौँ, जेठ १९ गते। संविधानसभाबाट संविधान निर्माण हुन नसकेको र राष्ट्रिय राजनीतिसमेत अन्योलपूर्ण रहे पनि नेपाली काँग्रेसले पार्टीभित्रको विवाद नै समाधान गर्न सकेको छैन।

प्रधानमन्त्री डा. बाबुराम भट्टराईको नेतृत्वको सरकारविरुद्ध आन्दोलन गर्न काँग्रेसले आˆनै अगुवाइमा अन्य राजनीतिक दलहरूसँग सहयात्रा गर्ने गरी आन्दोलनको कार्यक्रम त घोषणा गरेको छ तर पार्टीभित्रको झन्डै एक वर्षदेखि जारी विवाद भने मिल्न सकेको छैन।

संविधानसभाबाट संविधान निर्माण हुन नसकेको अवस्थामा संविधान निर्माण प्रक्रिया कसरी निष्कर्षमा पुग्न सक्छ भन्ने विषयमा राजनीतिक दलहरूबीच खासै छलफल नै हुन सकेको छैन। सरकारले आगामी मङ्सिर ७ गते नयाँ संाविधानसभाको निर्वाचन गराउने घोषणा गरेको छ तर काँग्रेसले यथास्थितिमा निर्वाचनमा जान नसकिने जनाएको छ।

अन्य दलसँगको छलफलमा पार्टीका शीर्ष नेताहरू सँगै देखिने गरे पनि आन्तरिक विवादको समाधानका लागि वार्ताको टेबलमा नबसेको भने तीन महिनाभन्दा बढी भइसकेको छ। पार्टीका केन्द्रीय सदस्यका अनुसार पार्टी सभापति सुशील कोइराला र वरिष्ठ नेता शेरबहादुर देउवाबीच दैनिकजसो नै

भेटघाट हुने गर्दछ तर पार्टीको समस्याका बारेमा एकपटक पनि छलफल हुँदैन।

पार्टीको संस्थापन पक्षले राष्ट्रिय राजनीतिका विषयमा थुप्रै छलफल र निर्णय गरे पनि वरिष्ठ नेता देउवा भने विगत नौ महिनादेखि काँग्रेसको केन्द्रीय कार्यसमितिको बैठकमा सहभागी हुनुभएको छैन। संसदीय दलको बैठकमा सँगै बस्ने शीर्ष नेताहरू पार्टीको औपचारिक निर्णयमा एक ठाउँमा

नबस्दा त्यसले साख नै कमजोर बनाएको विश्लेषण नेताहरूले गरेका छन्।

बाहिरी पक्षसँग लड्न काँग्रेसले पहिले आˆनै घरझगडा मिलाउनुपर्ने नत्र आन्दोलन या निर्वाचन जहाँ गए पनि पार्टीले प्रभावकारी भूमिका खेल्न नसक्ने भनेर नेताहरूलाई दबाब पनि सिर्जना गरिएको छ तर नेताहरू भने आ-आˆनै अडानमा छन्।

केन्द्रीय सदस्य गगन थापा आन्दोलनभन्दा पनि घरझगडा मिलाउने कुरा प्रमुख भएको बताउनुहुन्छ। विवाद जारी राखेर गरिने आन्दोलन पनि प्रभावकारी नहुने र निर्वाचन भएको अवस्थामा पनि काँग्रेस विजयी हुन कठिन हुने विश्लेषण नेता थापाको छ।