विराटगनर, जेठ ३२ गते। यस वर्षको एसएलसी परीक्षामा विराटनगरका दुईजना विद्यार्थी सर्वाधिक अङ्क प्राप्त गरी सर्वोत्कृष्ट प्रथम र द्वितीय भएका छन्। विराटनगरका दुईवटा संस्थागत विद्यालयका विद्यार्थी मुलुकमै सर्वाधिक अङ्क ल्याई उत्तीर्ण भएका हुन्। कुल आठ सय पूणर्ाङ्कको परीक्षामा विराटनगर-१५ स्थित बालकल्याण विद्या मन्दिर -बीकेभीएम) का छात्र अरुण कालिकोटीले ९४.९ प्रतिशत अर्थात् सात सय ५९ अङ्क प्राप्त गर्नुभएको छ भने कोसी विद्या मन्दिरका अवेशजङ्ग कार्कीले ९४.५ प्रतिशत अर्थात् सात सय ५६ अङ्क ल्याउनुभएको छ। दुवै विद्यालयले आˆना विद्यार्थी एसएलसी बोर्डमा सर्वाधिक अङ्क ल्याउनेमा प्रथम र दोस्रो भएको दाबी गरेका छन्।
बीकेभीएमका अनुसार कालिकोटीले अङ्ग्रेजीमा ९६, नेपालीमा ८५, अनिवार्य गणितमा ९९, विज्ञानमा ९१, सामाजिक शिक्षामा ९६, वातावरण जनसङ्ख्या तथा स्वास्थ्यमा ९८ तथा ऐच्छिक गणितमा ९८ र कम्प्युटरमा ९९ नम्बर प्राप्त गर्नुभएको छ।
विराटनगर-७ निवासी कालिकोटीले विद्यालय समयका अत्तिरिक्त दैनिक १० घन्टाको रुटिन बनाएर नियमित अध्ययन गर्ने गरेको बताउनुभयो। आफूले निकै ठूलो सफलता पाएको र त्यसलाई कायम गर्दै लैजाने चुनौती थपिएको बताउनुभयो। आˆनो
सफलताका लागि अभिभावक र विद्यालयको महìवपूर्ण भूमिका रहेको कालिकोटीले बताउनुभयो। बीकेभीएमका प्रधानाध्यापक रविन दाहालले विद्यालयले प्रदान गरेको शिक्षालाई सहज रूपमा ग्रहण गरेकै कारण सफलता मिलेको प्रतिक्रिया दिनुभयो।
त्यस्तै विराटनगर-१६ स्थित कोसी विद्यामन्दिरका विद्यार्थी अवेशजंग कार्की बोर्डमा दोस्रो स्थान प्राप्त गर्न सफल भएको विद्यालयले दाबी गरेको छ। उहाँले ९४.५ प्रतिशत प्राप्त गर्नुभएको छ। नतिजापछि प्रतिक्रिया दिँदै कार्कीले आˆनो मेहनत, अभिभावकको सहयोग र विद्यालयको साथका कारण यो सफलता पाएको बताउनुभयो। उहाँले पढाइलाई बोझको रूपमा नलिएर रुचिको विषय बनाउन सके सफल भइने विश्वास व्यक्त गर्नुभयो। यद्यपि उहाँले उत्कृष्ट नतिजा आउने अपेक्षा गरे पनि दोस्रो स्थान आउँछ भन्नेचाहिँ नलागेको बताउनुभयो। उहाँले इन्जिनियर बन्ने लक्ष्य रहेको पनि बताउनुभयो।
विद्यालयले पाएको सफलताको विषयमा विद्यालयका प्रधानाध्यापक ओमप्रकाश निरौलाले खुसी प्रकट गर्दै विद्यार्थीको मेहनत र शिक्षकको प्रयासले सफलता हात पारेको बताउनुभयो।
बुटवल समाचारदाताका अनुसार प्रभात आवासीय उच्च मावि पर्रोहा रूपन्देहीले बुधबार सार्वजनिक भएको एसएलसी परीक्षामा आˆना परीक्षार्थी छात्रातर्फ नेपाल प्रथम भएको दाबी गरेको छ।
उक्त स्कुलकी विद्यार्थी समीक्षा पाण्डेले ९२ प्रतिशत अङ्क हासिल गरी छात्रातर्फ नेपाल प्रथम भएको प्राचार्य अनन्तराम शर्माले दाबी गर्नुभयो। पर्रोहा गाविस-५ झारवैरा निवासी समीक्षा सानैदेखि पढाइमा तेज रहेको विद्यालयले जनाएको छ।
साथै प्रभात माविवाट कुल १२३ जना विद्यार्थीले परीक्षा दिएकोमा ४४ जना विशिष्ट श्रेणीसहित उत्कृष्ट नतिजा ल्याएको प्रभातका प्राचार्य शर्माले बताउनुभयो।
यसैगरी स्मृति बोर्डिङ स्कुल योगीकुटीका विद्यार्थी सागर पन्थीले ९३ दशमलव ५ प्रतिशत अङ्क हासिल गरेका छन्।
बुटवलका यसअघि बोर्डमा पर्ने गरेका होराइजन, दीप, एभरेस्ट, सिद्धार्थ, तिनाउ, प्यारामाउन्ट, इन्भारमेन्टलगायतका बोर्डिङ स्कुलहरूले शतप्रतिशत नतिजा ल्याएका छन्।
सरकारीतर्फ बुटवलको कान्ति उच्चमाविले शतप्रतिशत नतिजा ल्याएको छ।
यसैगरी स्याङ्जा समाचारदाताका अनुसार प्रवेशिका परीक्षामा ओरस्टे २ का तिम्ल्याहाले प्रथम श्रेणीमा परीक्षा उत्तीर्ण गरेका छन्।
२०५४ साल मङ्सिर १८ गते तेजमाया अर्यालको कोखबाट जन्मेका तिम्ल्याहा सङ्गम पोख्रेल, सरगम पोख्रेल र सन्दीप पोख्रेलले दिव्यप्रकाश उच्च मावि ओरस्टे-३ बाट परीक्षा दिएर परीक्षा उत्तीर्ण गरेका हुन्।
