डान्स्क , असार १ गते। फर्नान्डो टोरेजले दुई गोल गरेपछि बिहीबार अबेर राति उपाधि रक्षा गर्ने अभियानमा रहेको स्पेनले आयरल्यान्डलाई सहजै ४-० ले हराएको छ।

यस नतिजासँगै आयरल्यान्ड प्रतियोगिताबाट बाहिरिएको छ। आयरल्यान्डले आप\mनो अन्तिम खेल इटालीविरुद्ध प्रतिष्ठा जोगाउन मात्र प्रस्पिर्धा गर्नेछ। इटालीलाई समूह चरण पार गर्न आयरल्यान्डविरुद्ध जित हासिल गर्न जरुरी छ। समूह सीमा स्पेन र क्रोएसिया चार/चार अङ्कमा रहेका छन्।

स्पेनका लागि डेभिड सिल्भा र स्थानापन्न खेलाडी सेक फाबि्रगासले पनि गोल गरे। खेलको पूरै समय नियन्त्रण बनाएको स्पेनले आयरल्यान्डको गोलपोस्टमा २६ पटक प्रहार गरेको थियो। सन् २००८ को युरो फाइनलमा निणर्ायक गोल गरेका स्ट्राइकर टोरेजले खेलको चौथो मिनेटमा गोल गरेपछि स्पेनका लागि खेल सहज बनेको थियो। रिचर्ड डुन र स्टेफन वार्डको तालमेल मिल्न नसक्दा टोरेजले डिबक्समा बल खोसी कठिन कोणबाट गोल गर्दै आयरल्यान्डलाई गल्तीको सजाय दिए।

आयरल्यान्डविरुद्ध लगातार खतरा बनेको सिल्भाले खेलको ४९औँ मिनेटमा गोल गरे। म्यान्चेस्टर सिटीका फरवार्ड सिल्भाले डिबक्सभित्र नै दुई डिफेन्डरलाई छलाएर चलाखीपूर्ण रूपमा बल गोलपोस्टमा छिराएका हुन्। खेलको ७०औँ मिनेटमा डेभिड सिल्भाको पासमा उनले व्यक्तिगत र टिमको तेस्रो गोल गरे।

यसैगरी, टोरेजको स्थानमा मैदान छिरेका फाबि्रगासले निर्धारित समयको खेल सकिन सात मिनेट बाँकी छँदा सिल्भाकै सिर्जनामा अन्तिम गोल गरे। फाबि्रगासले इटालीविरुद्ध पनि गोल गरेका थिए।

हामी जित्न चाहन्छौँ, इटालीविरुद्धभन्दा राम्रो प्रदर्शन गरेर प्रभाव छोड्न चाहन्थ्यौँ, जुन सफल भयो, टिमले धेरै राम्रो खेल्यो, टोरेजले बताए। टोरेज स्पेनका लागि सर्वाधिक गोल गर्ने तेस्रो फुटबलर हुन्। उनले ९५ खेलमा ३० अन्तर्राष्ट्रिय गोल गरेका छन्। प्रशिक्षक भिसेन्ट डेल बोस्कले टोरेजलाई फाबि्रगासको स्थानमा नियमित एघारमै खेलाएका थिए। स्पेनले दोस्रो खेलमा पनि इटालीविरुद्ध जस्तै छ मिडफिल्डरले खेले।

आयरल्यान्डका प्रशिक्षक जियोभानी ट्रापाटोनीले चौथो मिनेटमा नै गोल बेहोर्दा आप\mनो रणनीतिलाई झ्यालबाट बाहिर ˆयाल्नु परेको जानकारी दिए। आयरल्यान्ड पहिलो खेलमा क्रोएसियासँग पनि ३-१ ले हारेको थियो। आयरल्यान्डका डिफेन्डर सिन सेन्ट लेजरले स्पेन प्रतियोगिताको सर्वश्रेष्ठ टिम भएको धारणा राखे। अहिलेसम्म मैले खेलेका टिममध्ये स्पेन सर्वश्रेष्ठ टिम हो, उनले भने।

इटाली, क्रोसिया बराबर

समूह सीअन्तर्गत बिहीबार राति भएको पहिलो खेलमा इटालीलाई क्रोएसियाले १-१ ले बराबरीमा रोकेको छ।

खेलको ३९औँ मिनेटमा एन्दि्रया पिर्लोको गोलको मद्दतले इटालीले अग्रता बनाएको थियो। तर खेलको ७२औँ मिनेटमा मारिया मान्जुकिकले गोल गरी खेल बराबर गरे। पिर्लोले डिबक्सबाहिर प्राप्त पि|mकिकमा शानदार ढङ्गले बल क्रोएसियाको गोलपोस्टमा छिराएका हुन्। मान्जुकिकले भने बायाँ भागबाट प्राप्त क्रसलाई नियन्त्रणमा राखी गोल गरे। एपी