मस्को, असार १० गते। रुसमा नयाँ सरकारको गठनसँगै सो मुलुकको निजीकरणको रणनीतिमा समेत परिवर्तन आएको पाइएको छ। सरकारले आगामी चार वर्षभित्रमा सरकारको स्वामित्वका रहेको विभिन्न सेवा तथा उत्पादन क्षेत्रका ठूला संरचनाहरूमा निजी क्षेत्रको हिस्सा बढाउने स्पस्ट रणनीति अपनाउने बताइएको छ।

निजी करणलाई विभिन्न चरणमा विभाजन गरिएको भए पनि प्रथम चरणमा सन् २०१२-१३ लाई मानेर सरकारी स्वामित्वको एसबेर बैङ्कको सेयर सर्वसाधारणमा जारी गर्ने, रुसनानो नामको प्रविधि क्षेत्रको संस्थामा निजी क्षेत्रको प्रवेश गराउने, सोभकोमˆलोट नामक सिपिङ्ग कम्पनीमा निजी क्षेत्रको प्रवेश गराउनेलगायतका विभिन्न सरकारी स्वामित्वका संस्थाहरूमा निजी क्षेत्रको लगानी बढाउने भएको छ।

युरोपेली मुलुकलगायत विश्व अर्थतन्त्रमा सुस्तता छाएको अवस्थामा पनि विश्वको उदायमान अर्थन्त्रको रूपमा उदाएको रुसको अर्थतन्त्र राम्रो अवस्थामा रहँदै आएको भए पनि नयाँ सरकारको गठन र त्यसले लिने आर्थिक नीतिहरूको विपक्षीहज्ञले भने चर्को विरोध गर्दै आएका छन्।

रुसका प्रधानमन्त्री डिमेत्री मेडेभेडेभले आˆनो मुलुकले निजीकरणलाई प्राथमिकता दिँदै जाने रणनीति लिएअनुसार सन् २०१६ सम्ममा सरकारी स्वामित्वको थुप्रै संस्थाहरूमा निजी क्षेत्रको सहभागिता गराउने कार्यक्रमहरू सार्वजनिक गरेको बताइएको छ।