डोनेस्क -युक्रेन), असार १५ गते। स्पेनले आइतबार युरोपेली च्याम्पियन्सीपको उपाधि रक्षा गरेमा प्रशिक्षक भिसेन्टे डेल बोस्कले इतिहास कायम गर्नेछन्।
इटालीलाई फाइनलमा हराउन सफल भए डेल बोस्क तीन सर्वाधिक प्रतिष्ठित फुटबल प्रतियोगिता युरो, विश्वकप र च्याम्पियन्स लिग जित्ने एक मात्र प्रशिक्षक बन्नेछन्। ६१ वषर्ीय डेल बोस्कको प्रशिक्षकत्वमा रहेको स्पेन लगातार तीन प्रमुख प्रतियोगिताको उपाधि जितेर कीर्तिमान राख्ने अभियानमा पनि छ। चार वर्षअघि स्पेनले युरोकप जित्दा लुइस आरागोनेस प्रशिक्षक थिए।
विश्वकप र युरोकप जित्ने प्रशिक्षकमा अहिलेसम्म जर्मनीका हेल्मुट सोयनको नाम मात्र छ। उनले जर्मनीलाई सन् १९७२ मा युरोकप र सन् १९७४ मा विश्वकप दिलाएका थिए।
डेल बोस्कले भने स्पेनलाई विश्वकप जिताउनुका साथै रियल म्याडि्रलाई समान दुई पटक घरेलु लिग र च्याम्यिन्स लिग उपाधि दिलाएका छन्। एपी
