किभ -युक्रेन), असार १७ गते। युरोपेली च्याम्पियन्सिपको सफल आयोजना गरेको भन्दै अहिले आयोजकद्वय युक्रेन र पोल्यान्डको सर्वत्र प्रशंसा भइरहेको छ।
यसअघि, यी दुई राष्ट्रलाई युरोपको सबभन्दा ठूलो प्रतियोगिताको आयोजना गर्ने अधिकार पाएपछि यूईएफएले गलत निर्णय गर्यो भन्ने आवाज उठेको थियो। यस्ता विरोधाभास आवाज १६ टिमले भाग लिएको प्रतियोगिता अन्तर्गत उद्घाटन खेलअघि कायम थियो।
आठवटा रङ्गशाला अपूर्ण रहेको, यातायातको सुविधा तथा भौतिक पूर्वाधार अपेक्षाअनुरूप नभएको आरोप युक्रेन र पोल्यान्डले खेपेका थिए। अझ प्रतियोगितापूर्व होटलको भाउ -विशेषतः युक्रेनमा) चर्किएपछि पाहुना समर्थकले ठूलो मूल्य चुकाउनुपर्ने डर थियो।
यसैगरी, आयोजक राष्ट्रका केही रङ्गशालामा अश्वेत खेलाडीमाथि दुव्र्यवहार गरेको र एसियाली विद्यार्थीमाथि आक्रमण भएको वृत्तचित्र बीबीसीले प्रसारण गरेपछि युरो २०१२ मा रङ्गभेदी दङ्गाको त्रास पनि उत्तिकै थियो। युरोपका केही राष्ट्रले युक्रेनमा हुने सबै खेल बहिष्कार गर्ने धम्की पनि दिए। युक्रेनमा मानवअधिकार गम्भीर विषयको रूपमा रहेको र सरकारले विपक्ष दलमाथि राम्रो व्यवहार नगरेकोमा उनीहरू असन्तुष्ट बनेका हुन्।
यद्यपि केही छिटफुट घटनाबाहेक सबै लाञ्छना दुवै आयोजकले निराधार सावित गरे। हुन त प्रतियोगितामा विदेशी समर्थकले रङ्भेदी नारा लगाएर समस्या दिन नखोजेको होइन। पोल्यान्ड र रुसबीचको खेलमा दुई समर्थकबीच भयङ्कर झडप पनि भयो। तर उद्घाटन खेलदेखि फाइनलसम्म एकसेएक विश्वस्तरीय खेल भएपछि सबैको ध्यान मैदानमा मात्र केन्दि्रत बन्यो।
यसपालि सहभागी सबै टिमले स्तरीय खेल पस्केपछि युरो २०१२ ले टेलिभिजनमा सर्वाधिक दर्शकले हेरेको प्रतियोगिताको कीर्तिमान बनाएको छ। अझ युरोपका आधिकारिक वेभसाइटको खोजी धेरै भएपछि वेभसाइट जाम नै हुन गरेको पनि पाइयो।
अहिले म पोल्यान्ड र युक्रेनका लागि गौरवको अनुभव गर्दैछु, धेरै आलोचना भए तर युरो २०१२ लाई महान् प्रतियोगिताको रूपमा आयोजना गरेर यी दुवै आयोजकले आफूलाई सावित गरेका छन्, युक्रेन र पोल्यान्डलाई अद्भुत आयोजकको रूपमा स्मरण गरिनेछ, यहाँका जनताको प्रशंसा जति गरे पनि कम हुन्छ, यूईएफएका अध्यक्ष मिचेल प्लाटिनीले फाइनलको पूर्वसन्ध्यामा आप\mनो खुसी जाहिर गरे।
अहिले युरोकप जस्तो प्रमुख प्रतियोगिताको आयोजनाले अर्थतन्त्रमा पार्ने असर बहसको विषय बनेको छ। तर पोल्यान्ड र युक्रेनका अधिकारीले हजारौँको सङ्ख्यामा पाहुना दर्शक रङ्गशालामा पुगेपछि आआˆनो देशको अर्थतन्त्रमा सकारात्मक प्रभाव परेको खुलासा गरेका छन्।
वार्साका मेयर हना ग्रोन्किविचल वाटजले यूईएफएको वेभसाइटमा उल्लेख गरेका छन्, पोल्यान्ड कहिल्यै पनि विदेशीका लागि पि्रय गन्तव्य बनेन तर युरोकपका लागि भित्रिएका हजार समर्थकबीच गरिएको अनुसन्धानमा ७३ प्रतिशतभन्दा बढीले तीन वर्षभित्रमा नै पुनः पोल्यान्डको भ्रमण गर्ने बताएका छन्।
युरोकपको सहआयोजना २१ वर्षअघि स्वतन्त्र भएको युक्रेनलाई पनि फलिफाप नै भएको छ। युक्रेन फुटबल महासङ्घका अध्यक्ष गि्रगोरी सर्किसले युरो २०१२ ले युक्रेनका आगामी पुस्तालाई समेत फाइदा पुग्ने धारणा राखका छन्। युरोले भौतिक पूर्वाधार, होटल र एयरपोर्टमा आकासजमिनको सुधार भएको छ, यसले पछिसम्म फाइदा पुर्याउँछ, उनले भने। एएफपी
