काठमाडौा, चैत २५ गते । बेलायतस्थित क्याम्बि्रज विश्वविद्यालयद्वारा सञ्चालित 'ए' लेभल क्वालिफिकेसन परीक्षामा विश्वभरिबाट सर्वाधिक अङ्क ल्याई सफल हुने तीन नेपाली छात्रलाई मङ्गलबार राजधानीमा सम्मान गरियो ।
सो विश्वविद्यालयअन्तर्गतको जनरल सर्टिफिकेट अफ एजुकेसन -जीसीई) र क्याम्बि्रज इन्टरनेसनल एक्जामिनेसन -सीआईई) बोर्डद्वारा लिइएको परीक्षामा सर्वाधिक अङ्क ल्याउन सफल चेल्सी इन्टरनेसनल एकेडेमीका अभिमन्यु क्षेत्री, किङ्स कलेजका अनोज शाही र काठमाडौा साईपल एकेडेमीका रिसव कर्णलाई सम्मान गरिएको हो ।
छात्रत्रयलाई उपराष्ट्रपति परमानन्द झा, क्याम्बि्रज इन्टरनेसनल एक्जामिनेसनका प्रतिनिधि इयान च्याम्बर्सलगायतका अतिथिले पुरस्कार तथा प्रमाणपत्र प्रदान गर्नुभएको थियो ।
सम्मानित छात्रमध्ये क्षेत्रीले सन् २००८ को वैशाख/जेठमा सञ्चालन भएको परीक्षाअन्तर्गत जनरल पेपर विषयमा र शाहीले गणित विषयमा संसारभरिबाट उत्कृष्ट अङ्क ल्याएका थिए ।
त्यसैगरी साइपल एकेडेमीका कर्णले २००८ को साउन/भदौमा लिइएको जनरल पेपरमा सर्वाधिक अङ्क ल्याउन सफल भएको कार्यक्रममा जानकारी दिइएको थियो ।
क्याम्बि्रज एजुकेटर्स एसोसिएसन इन नेपाल -सिआन)का अध्यक्ष सुधिरकुमार झाले नेपालमा बसेर पनि अन्तर्राष्ट्रियस्तरको यो शिक्षाप्रति विद्यार्थीको झुकाव बढ्दैगएको बताउनुभयो ।
