कोलम्बो, भदौ १५ गते । श्रीलङ्काको उच्च अदालतले जातीय सद्भाव खलबल्याउने काम गरेको भनी पत्रकार जेएस तिसैनायागामलाई २० वर्ष जेलसजायको फैसला गरेको छ ।
गत वर्ष पक्राउ परेका उहाँमाथि तमिल विद्रोहीलाई आर्थिक सहयोग गरेको आरोप पनि लगाइएको छ ।
गत वर्ष पत्रकार तिसैनायागामले आˆनो मासिक पत्रिका 'नर्थ इस्टर्न' मासिकमा लेखेको लेखले साम्प्रदायिक सद्भाव बिथोल्ने काम गरेको आरोपमा उहाँलाई सो फैसला सुनाइएको हो । सो पत्रिका अहिले बन्द भएको छ ।
पत्रकार तिसैनायागामले आफूविरुद्धको आरोप असत्य भएको दाबी गर्नुभएको बीबीसीले जनाएको छ । बीबीसी
