काठमाडौँ, माघ २६ गते। सेती-महाकाली राष्ट्रिय मुक्ति मोर्चा नेपालले शुक्रबार गर्ने भनिएको सुदूरपश्चिम बन्द कार्यक्रम फिर्ता लिएको छ ।
मोर्चाले बिहीबार साँझ प्रधानमन्त्री डा. बाबुराम भट्टराईसमक्ष ज्ञापनपत्र प्रस्तुत गर्दा प्रधानमन्त्रीले बन्दको कार्यक्रम फिर्ता लिन आग्रह गरेपछि सो कार्यक्रम फिर्ता लिएको हो ।
मोर्चाका अध्यक्ष तथा वाणिज्य एवं आपूर्तिमन्त्री लेखराज भट्टले प्रधानमन्त्री डा. भट्टराईले राज्य पुनःसंरचना आयोगको प्रतिवेदनमाथि मोर्चाको ध्यानाकर्षणलाई गम्भीरतापूर्वक लिइने र आयोगको प्रतिवेदलाई अन्तिम नमानिने आश्वासन दिनुभएकाले बन्द फिर्ता गरिएको पत्रकारलाई बताउनुभयो ।
