काठमाडौँ, माघ २६ गते। शतप्रतिशत खोप दिने उद्देश्यले सन् २०१२ लाई खोप वर्षको रूपमा मनाइने भएको छ।
स्वास्थ्य तथा जनसङ्ख्यामन्त्री राजेन्द्र महतोले काठमाडौँंमा आयोजित एक कार्यक्रमबीच सो कुराको घोषणा गर्नुभयो। खोप वर्षको अभियानअन्तर्गत आगामी फागुन १४ गतेदेखि सुदूरपश्चिम क्षेत्रका नौ जिल्लामा कार्यक्रम सञ्चालन हुनेछ। मन्त्री महतोका अनुसार, सुदूरपश्चिमका बझाङ, बाजुरा, अछाम, डोटी, कैलाली र दार्चुला जिल्ल्ाामा खोप अभियान सञ्चालन हुनेछ। यसैगरी, मध्यपश्चिमका बाँके, बर्दिया, दाङ, सुर्खेत, प्यूठान, रोल्पालगायतका जिल्लामा पनि पहिलोचरणअन्तर्गत अभियान सम्पन्न हुने बालस्वास्थ्य महाशाखाका निर्देशक डा. श्यामराज उप्रेतीले बताउनुभयो।
कार्यक्रममा मन्त्री महतोले दादुरा र रुवेलाको खोप दिने कार्यक्रम नीति पनि सार्वजनिक गर्नुभयो।
