रूपन्देही, चैत २७ गते। नेपाली काँग्रेसका सभापति सुशील कोइरालाले शान्ति र संविधानको काम जेठ १४ भित्रै सकिने बताउनुभएको छ। उहाँले एकीकृत नेकपा -माओवादी)ले लोकतन्त्र स्वीकार गरेकाले अब लोकतान्त्रिक संविधान निर्माणमा पनि उसले लचकता अपनाउने बताउनुभयो। उहाँले भन्नुभयो, "लोकतान्त्रिक संविधान लिएर चुनावमा जाऊँ, जसले जित्छ त्यहीअनुसार देश चलाऊँ।"

सोमबार नेपाली काँग्रेस बुटवल नगर समितिले आयोजना गरेको कार्यकर्ता भेलामा कोइरालाले सर्वोच्च अदालतले समय सीमित गरिदिएकाले अब संविधान निर्माणको काममा विलम्ब नहुने उल्लेख गर्नुभयो। लोकतान्त्रिक संविधान निर्माण गरेर देशको आर्थिक विकासका लागि सबै जुट्नुपर्ने भन्दै कोइरालाले देशमा रहेको भौतिक स्रोतसाधनको समुचित प्रयोग गर्नसके समुन्नत राष्ट्र निर्माण गर्न सकिने बताउनुभयो।

सभापति कोइरालले पार्टीभित्र केही विवाद रहेको स्वीकार गर्दै आगामी दिनमा विधान सच्याएर अघि बढिने बताउनुभयो। उहाँले भन्नुभयो, "विधानमा कतिपय कुरा प्रस्ट नहुँदा विवाद र्सिजना भएका छन्, अब विधान नै परिवर्तन गरेर उचित निकास निकालिनेछ।"

केन्द्रदेखि वडाहरूसम्म नै विवादहरू देेखिएको भन्दै स्थानीय नेताहरूले कोइरालासमक्ष गुनासो गरेका थिए। पार्टीलाई भावनात्मक रूपमै एकताबद्ध बनाएर लैजान उनीहरूले आग्रह गरेका थिए। खासगरी मनोनयनको