लन्डन, चैत २८ गते। क्लिन्ट डेम्पसेले पुनः गोल गरेपछि इङ्लिस पि्रमियर लिगमा सोमबार राति फुल्हमले चेल्सीलाई १-१ ले बराबरीमा रोकेको छ। जुन नतिजाले चेल्सीलाई चौथो स्थानमा उक्लनबाट वञ्चित पार्यो।
चेल्सीसँगै आगामी सत्रमा च्याम्पियन्स लिगमा चयन हुने होडमा रहेका न्युक्यासल र टोटेनहामले भने भिन्नाभिन्नै नतिजा निकाले। न्युक्यासलले लगातार पाँचौँ जित हासिल गर्ने क्रममा बोल्टनलाई २-० ले हरायो भने टोटेनहाम घरेलु मैदानमा नर्विचसँग २-१ ले स्तब्ध बन्यो। पूर्वार्द्ध सकिनै लाग्दा प|mाङ्क लाम्पार्डले पेनाल्टीमा गोल गरेपछि चेल्सी लगातार तेस्रो जिततर्फ अग्रसर थियो तर डेम्पसले निर्धारित समयको खेल सकिन ८ मिनेट बाँकीछँदा गोल गरी खेल बराबर गरे। लाम्पार्डको पि्रमियर लिगमा यो १५०औँ गोल हो। यसैगरी डेम्पसेको गोलसङ्ख्या यस सत्रमा २२ पुगेको छ। पि्रमियर लिगमा मात्र डेम्पसेले १६ गोल गरिसकेका छन्। उनी दुई दिनअघि बोल्टनविरुद्ध दुई गोल गरी फुल्हमका लागि एक सत्रमा सर्वाधिक लिग गोल गर्ने खेलाडी बनेका थिए। सन् २००४ मा लुइस साहले १३ गोल गरी कीर्तिमान कायम गरेका हुन्।
यसैगरी न्युक्यासललाई जित दिलाउन खेलको ७३औँ मिनेटमा हाटेम बेन आर्फा र खेलको ८३औँ मिनेटमा पापिस सिसेले गोल गरे। न्युक्यासलमा आबद्ध भएपछि उनले दस खेलमा नौ गोल गरिसकेका छन्। न्युक्यासल गोलअन्तरले मात्र चौथो स्थानमा रहेको टोटेनहामभन्दा पछाडि छ।
टोटेनहामलाई स्तब्ध पार्ने क्रममा एन्थोनी पिल्किङटन र इलियोट बेनेटले गोल गरे। नर्विच जितसँगै नवौँ स्थानमा उक्लेको छ। पि्रमियर लिगमा म्यानचेस्टर युनाइटेड, म्यानचेस्टर सिटी र आर्सनल क्रमशः पहिलो, दोस्रो र तेस्रो स्थानमा रहेका छन्। एपी
