काठमाडौँ, वैशाख ९ गते । पूर्वार्द्धमा पछाडि परेर पनि एपीएफलाई ४-१ ले हराउँदै थि्रस्टार बिटि्रस गोर्खा कप नकआउट फुटबल प्रतियोगिताको सेमिफाइनलमा पुगेको छ ।
उपाधिको हृयाटि्रक गर्ने दाउमा रहेको थि्रस्टारले फाइनलमा स्थान बनाउन अब मच्छिन्द्र क्लब र हिमालयन सेर्पा क्लबबीचको विजेतासँग खेल्नेछ ।
थि्रस्टारका लागि सन्तोष साहुखलले दुई तथा कप्तान विशन गौचन र विक्रम लामाले एक/एक गोल गरे । पूर्वार्द्ध एपीएफका लागि राम्रो रहृयो । खेलको ३०औँ मिनेटमा कप्तान कुमार थापाको पासमा राजेन्द्र रावलले हेड गर्दै एपीएफलाई अग्रता दिलाएपछि थि्रस्टार मध्यान्तरसम्म पछाडि परेको थियो ।
उत्तरार्द्धमा थि्रस्टार भिन्न टिमका रूपमा प्रस्तुत भयो । खेलको ७१औँ मिनेटमा मात्र थि्रस्टारले साहुखलको गोलबाट खेल बराबर गर्यो । विराज महर्जनको क्रस सदुपयोग गर्दै साहुखलले गोल गरेका हुन् ।
बराबरी गोलको ३ मिनेट बित्न नपाउँदै विष्णु गुरुङलाई एपीएफका डिफेन्डर कृष्ण लामाले डिबक्समा लडाएपछि थि्रस्टारले पेनाल्टी पायो र साहुखलले नै सो मौकाको उपयोग गरे । विष्णुलाई लडाएपछि कृष्ण दोहोरो पहेँलो कार्डसहित मैदानबाट बाहिरिए । जसले गर्दा एपीएफले दोहोरो झट्का बेहोरेको थियो ।
एपीएफ दस खेलाडीमा सीमित भएपछि थि्रस्टारले अन्तिम समयसम्म एकोहोरो आक्रमण गर्यो । फलस्वरुप थि्रस्टारले ८१ र ८९औँ मिनेटमा दुई गोल थप्यो । कप्तान विशनले करिब २५ गजबाट सीधै बल गोलपोस्टमा छिराएर तेस्रो गोल गरे भने अन्तिम समयमा 'म्यान अफ द म्याच' विराजको क्रसमा विक्रमले अन्तिम गोल गरे ।
थि्रस्टारका प्रशिक्षक मेघराज केसीले पूर्वार्द्धमा एपीएफले राम्रो खेल्दा आप\mनो टिम दबाबमा आएको प्रतिक्रिया दिए । पछिल्ला दुई संस्करणको विजेता भएकाले जित्ने दबाब थियो, त्यसैले पनि पूर्वार्द्धमा फरक पार्यो, यद्यपि उत्तरार्द्धमा आक्रामक रणनीति अपनायौँ र गोल गर्न पनि सफल भयौँ -प्रशिक्षक केसीले भने ।
एपीएफका प्रबन्धक प्रेमकुमार श्रेष्ठले रेप|mीले पक्षपातपूर्ण निर्णय दिँदा हार बेहोर्न बाध्य भएको भनी रोष प्रकट गरे । रेप|mीको निर्णय सही भएन, पेनाल्टीको निर्णय गलत थियो, त्यसपछि खेलाडीको मनोबल घट्यो -प्रबन्धक श्रेष्ठले भने ।
आइतबारको खेल
नेपाल पुलिस क्लब-आर्मी क्लब
समय ः ३ः०० बजे
