नयाँदिल्ली, वैशाख १० गते। इन्डियन पि्रमियर लिगमा आइतबार किङ्स इलेभेन पन्जाबले मुम्बई इन्डियन्सलाई छ विकेटले हराएको छ । घरेलु पिचमा पहिले ब्याटिङ गरेको मुम्बईले छ विकेटको क्षतिमा १६३ रन बनाएको थियो। प्रारम्भिक ब्याट्सम्यानको भूमिकामा सचिन तेन्दुलकरसँग क्रिजमा आएका जेम्स
प|mाङ्कलिनले ५१ बलमा ७९ रन बनाएपछि सुस्त सुरुवात गरेको मुम्बईको स्कोर राम्रो भयो। तेन्दुलकर २३ बलमा २३ रन बनाई रनआउट भए।
पन्जाबले पहिलो विकेटका लागि छ ओभरको पावरप्लेमा ४८ रन जोडेर राम्रो सुरुवात गरेका थिए तर पावरप्ले सकिनासाथ प्रारम्भिक ब्याट्सम्यानद्वय नितिन साइनी -३० रन) र मन्दीप सिंह -२४ रन) आउट भए। यद्यपि सन मार्सले ४० बलमा अविजित ४८ रनको पालि खेली पन्जाबलाई तीन बलअघि नै जित दिलाए।
यसैगरी शनिबार राति सौरभ गाँगुलीको अलराउन्ड प्रदर्शन र जेसी राइडरको ८६ रनको सहयोगमा पुने वारियर्सले दिल्ली डेयरडेभिल्सलाई २० रनले हरायो। पुनेले तीन विकेटको क्षतिमा १९२ रन बनाएपछि लक्ष्य पछ्याएको घरेलु टिम दिल्लीले सात विकेटको क्षतिमा १७२ रन मात्र बनाउन सक्यो। ब्याट्बाट ४१ रनको योगदान दिने गाँगुलीले दिल्लीका दुई ब्याट्सम्यानलाई आउट गरे।
