डोमिनिका, वैशाख १२ गते। अफ स्पिनर शेन सिलिङफोर्ड घरेलु मैदानमा चम्केपछि अस्ट्रेलियाविरुद्धको तेस्रो तथा अन्तिम टेस्टको पहिलो दिन वेस्टइन्डिजको स्थिति राम्रो भएको छ।
डोमिनिकामा टेस्ट क्रिकेट खेल्ने पहिलो घरेलु क्रिकेट खेलाडी बनेको खेलमा सिलिङफोर्डले महìवपूर्ण चार विकेट लिएपछि टस जिती पहिले ब्याटिङ गरेको अस्ट्रेलियाले पहिलो दिन सात विकेटको क्षतिमा २१२ रन बनायो। बारबाडोसमा भएको पहिलो टेस्ट जितेको अस्ट्रेलियालाई शृङ््खला जित्न चालु टेस्ट बराबर गरे पुग्छ। वेस्टइन्डिजलाई भने शृङ्खला बराबर गर्न यो खेल जित्न आवश्यक छ। यद्यपि पछिल्लो शृङ्खला हात पारेको अस्ट्रेलियाले शृङ्खला बराबर भए पनि प|mान्क वारेल ट्रफी कब्जा गरिसकेको छ।
सिलिङफोर्डले डेभिड वार्नर -५० रन), रिकी पोन्टिङ -२३ रन), माइकल क्लार्क -२४ रन) र माइक हसी -१० रन)जस्ता हस्ती ब्याट्सम्यानको विकेट लिए। पोन्टिङ लामो पालि खेल्न नसके पनि आउट हुनुअघि २३ रनमा छँदा टेस्ट क्रिकेटमा सर्वाधिक रन बनाउने दोस्रो ब्याट्सम्यान बन्न सफल भए। उनले भारतका राहुल द्रविड -१३,२८८ रन)लाई तेस्रो स्थानमा धकेलेका हुन्। एएफपी
