मन्थली, वैशाख १७ गते। रामेछापको सदरमुकाम मन्थलीमा शुक्रबारदेखि भएको प्रथम चण्डेश्वरी खुल्ला महिला भलिबल प्रतियोगिताको उपाधि न्यू डायमन्ड एकेडेमी काठमाडौँले हात पारेको छ।
न्यु डायमन्डले आइतबार फाइनलमा धनकुटा खेलकुद विकास समितिलाई सोझो तीन सेटमा २५-५, २५-१० र २५-६ ले हरायो। न्यु डायमन्डले उपाधिसँगै रामेछापमा हालसम्मकै सबभन्दा ठूलो राशिको पचास हजार पाँच सय रुपियाँ खल्तीमा हालेको छ। उपविजेता धनकुटा खेलकुद विकास समितिले तीस हजार पाँच सय रुपियाँ, तेस्रो गोकुल गङ्गा उच्च मावि रस्नालु, रामेछापले पन्ध्र हजार पाँच सय, चौथो आयोजक टिम चण्डेश्वरी युवा क्लब प्रीतिले दस हजार पाँच सय र सान्त्वना हुने मन्थली सहिद स्मृति बहुमुखी क्याम्पस मन्थलीले दस हजार रुपियाँ हात पारेका छन्।
प्रतियोगितामा उत्कृप्ट खेल प्रदर्शन गरेको न्यू डायमन्डकी रमिला तण्डुकार उत्कृष्ट खेलाडी र वेष्ट स्पाइकरको घोषित भइन्। न्यू डायमन्डकै सलिना श्रेष्ठ वेस्ट डिफेन्डर र कृपा अधिकारी वेस्ट लिˆटर चुनिए। धनकुटाकी जीवानी राईले वेस्ट सर्भर उपाधि जितिन्।
प्रतियोगितामा तेस्रो स्थानका लागि भएको प्रतिस्पध्र्ाामा गोकुल गङ्गाले आयोजक चण्डेश्वरी युवा क्लबलाई २५ -१०, २५ -१८ र २५ -७ ले हरायो।
शान्तिदीप युवा क्लब मन्थलीको सहयोगमा जिल्ला खेलकुद विकास समिति र श्री चण्डेश्वरी युवा क्लब, प्रीति, रामेछापलेे संयुक्त रूपमा आयोजना गरेको सो प्रतियोगितामा रामेछाप, काठमाडौंँ र धनकुटा गरी तीन जिल्लाका छ टिम सहभागी थिए।
