दमक, वैशाख २४ गते। सानिमा विकास बैङ्कले आफ्नो सामाजिक उत्तरदायित्व बमोजिम गर्ने भनि घोषणा गरेको शैक्षिक छात्रवृत्ति, स्वरोजगार तालिम तथा निःशुल्क आँखा उपचार कार्यक्रम झापाबाट सुरु गर्ने भएको छ। नेपालभर २२ वटा शाखा कार्यलयबाट सेवा सञ्चालन गर्दै आएको बैङ्कको दमक शाखाअन्तर्गत नेपालमा नै पहिलोपटक यो कार्यक्रम लागु गर्न लागिएको बैङ्कले जनाएको हो। झापाको दमकमा शनिबार कार्यक्रमको कार्यान्वयन सम्बन्धमा सर्वपक्षीय रूपमा आयोजना गरेको छलफलमा बैङ्कका प्रमुख कार्यकारी अधिकृत कुमार लम्सालले यस्तो जानकारी दिनु भएको हो

सामाजिक उत्तरदायित्व बहन निजी बैङ्कहरूको पनि उत्तरदायित्व भएको बताउँदै यसका लागि बैङ्कले केही समय अगाडि शैक्षिक छात्रवृत्ति, स्वरोजगार तालिम तथा निःशुल्क आँखा उपचार कार्यक्रम घोषणा गरिए बमोजिम कार्यक्रम झापाबाट सुरु गर्न लागिएको उहाँले बताउनुभयो।

यस अन्तर्गत दुई जना विद्यार्थीलाई उच्च्ा शिक्षा पढ्नका आवश्यकसम्पूर्ण खर्च बैङ्कले बेहोर्ने र यसका लागि स्थानीय स्तरबाट नै छनौट समिति बनाइने पनि बताइएको छ। आर्थिक रूपमा विपन्न र आर्थिक कठनाइले पढाइबाट वञ्चित विद्यार्थीलाई बसोबासदेखि आवश्यक पाठ्यपुस्तक लगायत सबै प्रकारको सेवा उपलब्ध गराइने प्रतेक वर्ष दुई जना थपिँदै जाने जनाएको छ।

प्रमुख कार्यकारी अधिकृत लम्सालका अनुसार नगरपालिकाभित्रका पाँचजना विपन्न परिवारका सदस्यलाई रोजगार मुलुक तालिम प्रदान गरिने र त्यसका लागि समेत सिफारिस समिति बनाएर अघि बढ्ने बैङ्कले तयारी गरेको छ।

यसैगरी आँखाको उपचार भने जो जति सङ्ख्या आए पनि गराइदिने र यसका लागि तिलगङ्गा आँखा अस्पतालसँग सम्भ्fmौता भइसेको पनि बैङ्कले छलफलमा जानकारी दिएको छ। शाखाको सिफारिसमा नजिकको आँखा अस्पताल र त्यहाँ नभए काठमडौँमा ल्याएर भए पनि उपचार गरिदिने बताउँदै औषधि उपचार, यातायात, बसोबासको प्रबन्ध,त्यो अवधिको खाना खर्च लगायतका सबै प्रकारको दायित्व बैङ्कले लिने समेत लम्सालले बताउनुभयो।