काठमाडौँ, वैशाख ३१ गते। सूर्य नेपाल गल्फ टुर- २०१२/१३ अन्तर्गतको तेस्रो इभेन्ट्स घनश्याम ओपन गल्फ प्रतियोगिता सोमबार त्रिभुवन आर्मी अफियर्स क्लबमा सुरु हुँदैछ।
७२ होलको चार दिने प्रतियोगितामा २५ व्यावसायिक र २३ एमेच्योर खेलाडीले भाग लिएका छन्। प्रारम्भिक ३६ होलको प्रतियोगितापछि व्यावसायिक पाँच जना खेलाडीको कटौती हुनेछ।
अन्तिम ३६ होलमा शीर्ष व्यावसायिक खेलाडीले मात्र खेल्नेछन्। तीन लाख रुपियाँ लागत रहेको प्रतियोगिताको विजेताले ५५ हजार, उपविजेताले ३७ हजार र तेस्रो स्थान हासिल गर्नेले २५ हजार रुपियाँ प्राप्त गर्नेछन्।
प्रतियोगितामा गत विजेता रमेश अधिकारीले उपाधि रक्षा अभियानमा नेपालका नम्बर एक गल्फर शिवराम श्रेष्ठ, रवि खड्का, रमेश नगरकोेेटी, दीपक थापा मगरलगायतका व्यावसायिक खेलाडीहरूको चुनौतीको सामना गर्नेछन्।
