चितवन, जेठ ६ गते। एकीकृत नेकपा -माओवादी)का अध्यक्ष पुष्पकमल दाहाल प्रचण्डले सबै राजनीतिक दलसँग छलफल गरेर आइतबारसम्म सहमति गरी संविधान निर्माणको अन्तिम टुङ्गो लगाइने बताउनुभएको छ।
नारायणी नमुना उच्च माध्यमिक विद्यालयको स्वर्ण महोत्वसको शनिबार उद्घाटन गर्दै उहाँले भन्नुभयो, "राजनीतिक दलहरूसँगको सहमतिबिना संविधान आउन सक्दैन, हामी दिनरात गरेर छलफल गरी टुङ्गोमा पुर्याउँछौँ। शनिबार पनि बिहानदेखि सहमति जुटाउनका लागि छलफलमा जुटेका थियौँ।"
मुलुक गम्भीर परिस्थितिमा पुगेको भन्दै अध्यक्ष दाहालले यस्तो अवस्थामा सबैको सहयोग आवश्यक रहेको उल्लेख गर्नुभयो। उहाँले भन्नुभयो, "अहिलेको अवस्था ज्यादै संवेदनशील छ। यस्तो समयमा सबै जातजाति संयमित हुनुपर्छ। संविधान निर्माणअगाडि आˆना मागहरू राख्नु जायज हो। हामीले यसलाई सकारात्मक रूपमा लिएका छौँ तर माग राख्दा अन्य समुदायलाई असर नपर्ने गरी राख्नुपर्छ।" अध्यक्ष दाहालले सबै जातजातिको पहिचान हुने गरी संविधान जारी हुने विश्वास दिलाउनुभयो।
"संविधानमा आˆना माग समेटिँदैन भन्ने सबैलाई चिन्ता हुनु स्वाभाविक हो। यसले नेतृत्वलाई ऊर्जा दिएको छ । हामी सबैको मागलाई दृष्टिगत गर्दै संविधान ल्याउने तयारीमा छौँ", उहाँले भन्नुभयो। हालको अवस्थामा सबै जातजाति र भाषाभाषीको संस्कृति भए पनि यो बेला सबै एकजुट हुन आवश्यक छ। उहाँले भन्नुभयो, "एकता हुन सकेन भने यसको फाइदा अरूले लिन सक्छ। संयमित हुन सकेनौँ भने देश दुर्घटनामा पर्न सक्छ। जातजातिको एकता खलबलिन दिन हुन्न । त्यसैले यति बेला सबैमा धैर्य र साहसको खाँचो छ।"
विभिन्न माग राखेर भएको आन्दोलनप्रति लक्षित गर्दै अध्यक्ष प्रचण्डले जनताले उठाएका यी आवाजले आफूलाई काम गर्न ऊर्जा मिलेको बताउनुभयो।
अखण्ड चितवनको माग उठिरहेको सन्दर्भमा अध्यक्ष प्रचण्डले भन्नुभयो, "अन्य जिल्ला टुक्र्याउन हुने चितवन नहुने भन्ने कुरा आइरहेको छ। चितवनलाई अखण्ड होइन बृहत् बनाउनका लागि मैले प्रस्ताव राखेको छु।" पूर्वमा मकवानपुरको मनहरिदेखि पश्चिममा नवलपरासीका केही भूभाग समेट्ने गरी बृहत् चितवन निर्माण गर्ने पक्षमा आफूले काम गरिरहेको चर्चा गर्दै अध्यक्ष प्रचण्डले भन्नुभयो, "चितवन एउटा छुट्टै विशेषता र महìव भएको जिल्ला हो। यसलाई टुत्र\mयाउनभन्दा पनि बृहत् बनाउनेतर्फ हाम्रो पार्टी लागिरहेको छ।" सामुदायिक विद्यालय भएर पनि परीक्षामा उत्कृष्ट नतिजा ल्याउन सफल भइरहेकोप्रति नारायणी माविको प्रशंसा गर्दै अध्यक्ष दाहालले नयाँ बन्ने भवनका लागि आˆनो तर्फबाट सक्दो सहयोग गर्ने प्रतिबद्धता व्यक्त गर्नुभयो। नारायणी मावि देशकै नमुना विद्यालयका रूपमा चिनिन सफल होस् भन्ने शुभकामना उहाँले व्यक्त गर्नुभयो।
