काठमाडौँ, जेठ १६ गते। राष्ट्रपति डा. रामवरण यादवले प्रधानमन्त्री डा. बाबुराम भट्टराईको सरकारलाई अर्को मन्त्रिपरिषद् गठन नभएसम्म दैनिक कार्यसञ्चालन गर्न स्मरण गराउनुभएको छ। साथै, राष्ट्रपति यादवले देशको पछिल्लो परिस्थितिप्रति विशेष जिम्मेवारी बोध गर्दै अन्तरिम संविधान, २०६३ को मर्मअनुरूप राजनीतिक सहमति र सहकार्यको संस्कृतिलाई प्रोत्साहित गर्न सम्पूर्ण राजनीतिक दललाई आग्रह पनि गर्नुभएको छ।
संविधानसभा तथा व्यवस्थापिका-संसद्को विघटनपछि राष्ट्रपति कार्यालयले मङ्गलबार आˆनो औपचारिक धारणा सार्वजनिक गर्दै राष्ट्रपति यादवले यस्तो आग्रह गर्नुभएको हो।
राष्ट्रपति कार्यालयबाट छ बुँदामा जारी गरिएको दुई पृष्ठ लामो विज्ञप्तिमा राष्ट्रपति यादवले संविधानसभाको अनपेक्षित अवसानका कारण उत्पन्न राजनीतिक अन्योलको निकास शान्तिपूर्ण र लोकतान्त्रिक विधिबाटै पहिल्याइने विश्वास पनि व्यक्त गर्नुभएको छ।
संविधानसभाको विघटनपछि राजनीतिक दलहरू दुई धुव्रमा विभाजित भई सत्तापक्ष मङ्सिर ७ मा घोषित संविधानसभाको निर्वाचनतर्फ र विपक्षमा रहेका दलहरू प्रधानमन्त्रीको राजीनामा माग गर्दै आन्दोलनतर्फ जाने भन्न थालेपछि राष्ट्रपति यादवको यस्तो धारणा
आएको बताइन्छ।
राष्ट्रपति कार्यालयका उपसचिव ध्रुवराज जोशीका अनुसार राष्ट्रपति यादवले 'यो मन्त्रिपरिषद्द्वारा सम्पादन गरिएका कार्यहरूका निम्ति सम्माननीय राष्ट्रपतिले सम्मानीय प्रधानमन्त्री एवं मन्त्रिपरिषद्का सदस्यहरूलाई धन्यवाद दिनुभएको छ।'
अन्तरिम संविधान, २०६३ को धारा ३८ को -९) मा उपधारा -७) बमोजिम प्रधानमन्त्री आˆनो पदबाट मुक्त भए पनि अर्को मन्त्रिपरिषद् गठन नभएसम्म सोही मन्त्रिपरिषद्ले कार्यसञ्चालन गरिरहने भनी उल्लेख भएबमोजिम राष्ट्रपति यादवले दैनिक कार्यसञ्चालन गर्न वर्तमान सरकारलाई स्मरण गराउनुभएको हो।
यसैगरी, संविधानको धारा ३८ को उपधारा ७ -ख) मा 'निज व्यवस्थापिका-संसद्को सदस्य नरहेमा' भन्ने वाक्यांश रहेको छ। राष्ट्रपति कार्यालयले संविधान अनुसार संविधानसभा र व्यवस्थापिका-संसद्को अस्तित्व नरहेकाले प्रधानमन्त्री भट्टराईकोे संविधानसभा र संंसद्को सदस्यता पनि स्वतः समाप्त हुन गएको स्पष्ट पारेको छ।राष्ट्रपति कार्यालयले प्रधानमन्त्री भट्टराईले संविधानको धारा ६२ -२) अनुसार अर्को संविधानसभाको निर्वाचन मिति २०६९ मङ्सिर ७ तोक्नुभएको पत्र जेठ १४ गते राति ११ः२५ प्राप्त भएको जनाएको छ।
यसअघि राष्ट्रपति डा. रामवरण यादवले प्रधानमन्त्री डा. बाबुराम भट्टराईलाई सबै दलका बीचमा सहमति कायम गरेर अगाडि बढ्न आग्रह गर्नुभएको थियो।
यस्तै, प्रधानमन्त्री भट्टराईले सबै राजनीतिक पार्टीबीचमा राष्ट्रिय सहमतिको वातावरण बनाउन आफू प्रयत्नशील रहेको जानकारी राष्ट्रपतिलाई गराउनुभयो।
राष्ट्रपति निवासमा मङ्गलबार भएको भेटमा राष्ट्रपतिले सो आग्रह गर्नुभएको हो। राष्ट्रपतिले सहमतिसाथ अगाडि बढेमा आˆनोतर्फबाट सरकारलाई सहयोग रहने विश्वास दिलाउनुभएको जानकारी राष्ट्रपतिका प्रेस सल्लाहकार राजेन्द्र दाहालले दिनुभयो।राष्ट्रपतिले सबैलाई समेटेर, विश्वासमा लिई अन्तरिम संविधानले तय गरेको सहमतीय पद्धतिबाट अगाडि बढ्नु राम्रो हुने सुझाव दिनुभएको र दुवै संस्था -राष्ट्रपति र प्रधानमन्त्री)ले संवैधानिक मर्यादा कायम गर्नुपर्नेमा जोड दिनुभएको बताइएको छ।
भेटमा राष्ट्रपतिले प्रधानमन्त्रीसँग भन्नुभयो, 'सरकारप्रमुखको हैसियतले तपाइर्ंलाई मेरो पनि सहयोग हुन्छ, राष्ट्रिय सहमतिको वातावरण बनाएर जानूस्। हामी दुवै एउटा समझदारीबाट काम गरेर अगाडि बढ्नुपर्छ।'' प्रधानमन्त्रीको निजी सचिवालयले जनाए अनुसार शीतलनिवासमा राष्ट्रपतिसँग भएको भेटमा प्रधानमन्त्री भट्टराईले राजनीतिक दलबीच सहमतिको वातावरण बनाएर अगाडि बढ्नेमा विश्वास व्यक्त गर्नुभयो। प्रधानमन्त्रीले भेटमा भन्नुभयोे, 'संविधानसभाको विघटन भएर अर्को संविधानसभाको निर्वाचन हुन्छ भन्ने संवैधानिक प्रावधान नभएकाले अब हामीले सहमतिको बाटो खोज्दै अगाडि बढ्नुपर्छ।' सहमतिबाट अगाडि बढ्ने आˆनो प्रयत्नमा राष्ट्रपतिको सहयोग पनि आवश्यक रहेको प्रधानमन्त्रीको भनाइ रहेको बताइएको छ।
संविधानसभाको विघटन भएपछि प्रधानमन्त्रीले आगामी मङ्सिर ७ मा संविधानसभाको चुनाव घोषणा गर्नुभएको छ। चुनावी घोषणासँगै दलहरूबीच फरक-फरक मत रहेको छ।
