काठमाडाँै, जेठ १७ गते। गुहृयेश्वरी फुटबल एसोसिएसनले प्रथम गुहृयेश्वरी छात्रा सिक्स 'ए' साइड फुटबल प्रतियोगिताको आयोजना गर्नेभएको छ। गुहृयेश्वरी फुटबल एसोसिएसन दसदेखि १८ वर्ष उमेरसम्मका छात्रछात्राले स्थापना गरेको संस्था हो।
आयोजकले बुधबार आयोजित पत्रकार सम्मेलनमा लिगकम नकआउटका आधारमा शनिबारदेखि हुने जानकारी दिएको छ। प्रतियोगिता आयोजक गुहृयेश्वरीको घरेलु मैदानमा एक साता चल्नेछ। आठ टिमको सहभागिता रहेको प्रतियोगिता जित्ने टिमले १५ हजार, उपविजेताले दस हजार र तेस्रो हुनेले पाँच हजार रुपियाँ प्राप्त गर्नेछ।
प्रतियोगितामा वृहस्पति विद्या सदन, काठमाडौँ विश्वविद्यालय, मानसिंह धर्म उच्चमावि, अमरज्योति, ग्रामसेवा उच्चमावि, मोडल इन्डियन र आयोजक गुहृयेश्वरी एसोसिएसनले भाग लिएका छन्। सहभागी टिमलाई दुई समूहमा विभाजन गरिएको छ। प्रत्येक समूहबाट शीर्ष दुई स्थानमा रहने टिम सेमिफाइनलका लागि चयन हुनेछन्।
एसोसिएसनका अध्यक्ष माइकल दोर्जे तामाङले छात्रको फुटबल प्रतियोगिता मात्र धेरै भएकाले छात्रा फुटबल प्रतियोगिता रोजेको बताए। दुुई वर्षअघि हामीले गुरुकूल छात्रा फुटबल प्रतियोगिताको सफल आयोजना गरिसकेका छौँ, यसैले प्रतियोगिता आयोजनाबारे हामीसँग अनुभव छ -१८ वषर्ीय अध्यक्ष तामाङले भने।
एसोसिएसन खेलकुद मात्र होइन, सामाजिक कार्यमा पनि भिजेको छ। अध्यक्ष तामाङकै अनुसार पनि संस्था पछिल्लो एक वर्ष सामाजिक सेवामै व्यस्त भएको थियो। यद्यपि उनी भन्छन्- अब खेलकुदमा हात बढाएका छौँ, यस प्रतियोगितालाई पनि निरन्तरता दिनेछौँ।
यसैगरी बुधबार डेरी मेटल वर्कसपका सूर्य नकर्मीले आयोजकलाई ३० सेट जर्सी प्रदान गरेका छन्।
