पेरिस, जेठ १९ गते। प|mेञ्च ओपन पूर्वविजेता अन्ना इभानोभिच शुक्रबार प|mेञ्च ओपनको तेस्रो चरणबाट बिदा भएकी छन्। इटालीकी २१औँ वरीयताप्राप्त सारा इरानीले इभानोभिचलाई १-६ ,७-५, ६-३ ले स्तब्ध बनाइन्। क्लेकोर्ट विशेषज्ञ इरानीले अर्को चरणमा तेस्रो वरीयताप्राप्त आग्नेस्का राड्वान्स्का तथा रुसकी स्वेट्लाना कुज्नेसोभामध्ये एकविरुद्ध खेल्नेछन्।

रुसकी मारिया सारापोभा भने सजिलै जापानकी आयुमी मोरिटालाई ६-१, ६-१ ले हराई तेस्रो चरणमा पुगिन्। दोस्रो वरीयताप्राप्त पहिलो चरण पनि ६-०, ६-० ले जितेकी थिइन्।

यसैगरी, अमेरिकाका जोश इश्नर पुनः म्याराथन खेलमा संलग्न भएका छन् तर यसपटक उनी प|mान्सका पल हेन्री म्याथ्युसँग ६-७ -२), ६-४, ६-४, ३-६, १८-१६ ले पराजित भए। यी दुईबीचको खेल पाँच घन्टा ४१ मिनेट चलेको थियो। जुन प|mेञ्च ओपनको इतिहासमा दोस्रो सर्वाधिक लामो समय चलेको खेल हो। दुई वर्षअघि विम्बल्डनमा इश्नर र निकोल माहुतले टेनिस इतिहासकै सर्वाधिक लामो भिडन्त गरेका थिए। यी दुईबीचको निणर्ायक सेट ७०-६८ मा टुङ्गिएको थियो। सो अन्तिम सेट मात्र २ घन्टा २८ मिनेट चलेको थियो। सो ऐतिहासिक खेलमा भने इश्नर विजयी भएको थियो।

गत विजेता राफेल नाडाल सहज रूपमा उज्बेकिस्तानका डेनिस इस्टोमिनलाई ६-२, ६-२, ६-० ले हराएर तेस्रो चरणमा पुगे। नाडालको रोल्यान्ड ग्यारोमा प्रदर्शन ४७ जित र एक हारको छ। दोस्रो वरीयताप्राप्त नाडालले प|mेञ्च ओपन छ पटक जितिसकेका छन्। अब एक उपाधिले उनी सर्वाधिक पटक प|mेञ्च ओपन जित्ने खेलाडी बन्नेछन्। अहिले उनी ब्योन बर्गको बराबरीमा छन्।

पाँचौँ वरीयताप्राप्त जो विलप|mेड सोङ्गा, छैटौँ वरीयताका डेभिड फेरर र महिला वरीयतामा तेस्रो स्थानमा रहेकी पेट्रो क्विटोभा पनि तेस्रो चरणमा पुगे। विम्बल्डन च्याम्पियन क्विटोभाले पोल्यान्डकी उर्सुसुला राड्वान्स्कालाई ६-१, ६-३ ले हराइन्। राड्वान्सका तेस्रो वरीयताप्राप्त आग्नेस्का राड्वान्स्काकी बहिनी हुन्। आग्नेस्काले एकदिनअघि सात पटक ग्रान्डस्लाम विजेता भेनस विलियम्सलाई पाखा लगाएकी थिइन्। एएफपी