काठमाडाँ, जेठ २५ गते। हिमालयन बैङ्कले जेसीबी इन्टरनेसनलसँगको सहकार्यमा बिहीबारदेखि जेसीबी क्रेडिट कार्ड प्रचलनमा ल्याएको छ। यसबाट जेसीबी कार्ड बाहकहरूले हिमालयन बैङ्कको नेटवर्क अन्तर्गतका एक हजार दुई सयभन्दा बढी व्यापारिक केन्द्र तथा ६९ एटीएमहरूबाट सेवा लिन सक्ने बैङ्कले जनाएको छ। जापान, चीन, कोरिया, ताईवान आदि विश्वका अन्य मुलुकमा करिब सात करोड ७० लाख जेसीबीका कार्डवाहक सदस्यहरू रहेका र यसको प्रचलनसँगै नेपाल घुम्न आउने जेसीबी कार्डवाहकले बैङ्कको यस विस्तारित सेवाबाट लाभान्वित हुने बताइएको छ।

हिमालयन बैङ्क र जेसीबी आईबीच गएको अङ्ग्रेजी मे महिनाको १३ तारिखमा यससम्बन्धी सम्झौता भएको हो। जेसीबी आई विश्वकै एक प्रतिष्ठित तथा अग्रणी क्रेडिट कार्ड सेवा प्रदायक कम्पनी भएको हिमालयन बैङ्कले आˆनो विज्ञप्तिमा जनाएको छ।