काठमाडौँ, असार ४ गते। एएफसी यु-२२ फुटबल प्रतियोगितामा सोमबार यमनसँग नेपाल १-० ले स्तब्ध भएको छ। पहिलो खेलमा बंगलादेशलाई हराएपछि हौसिएको नेपाली टिमलाई यमनका सद्दाम हुसेनको गोलले निरास बनायो। खेलको २९आँै मिनेटमा यमनका इसामअल ओरफीले डिबक्सबाट मिलाइदिएको पास सदुपयोग गर्दै गोलपोस्ट नजिक रहेका सद्दामले सहज ढङ्गले गोल गरे। सद्दामले गरेको सोही गोल निणर्ायक बन्यो। सो गोलले सुरुका दुई खेल जित्ने नेपालको सपना चकनाचुर हुन पुग्यो।
जोर्डनसँग ४-० ले पराजित भएको यमनलाई हराउने योजनाका साथ मैदानमा उत्रिएको नेपालले थुप्रै अवसर गुमाएको थियो। उत्तरार्द्धमा अनिल ओझाले प्रहार गरेको बल गोलपोस्टमा ठोक्किनु पनि नेपालको दुर्भाग्य बन्यो। यसबाहेक पनि नेपालले अन्य थुप्रै अवसर गुमाएको थियो।
नेपालका प्रशिक्षक व[mष्ण थापाले हारपछि अब आगामी खेलमा रणनीतिमा परिवर्तन हुनसक्ने जानकारी दिएका छन्। सोचेकोभन्दा फरक नतिजा आयो, राम्रो खेल्दाखेल्दै पनि अनुकूल नतिजा आएन, अब आगामी खेलमा आक्रामक फुटबल खेल्छाँै, प्रशिक्षक थापाले भने।
नेपालले डिफेन्सको समन्वयमा कमजोरीले गोल बेहोरेपछि यमन हौसिएको कथन पनि प्रशिक्षक थापाको छ। उनले अब नेपाल 'गर या मर'को योजनासहित दुवै खेलको नतिजा आफ्नो पक्षमा ल्याउने योजनामा रहेको बताए।
नेपाली टिमका कप्तान भरत खवासले प्रारम्भमा गोल बेहोरेपछि दबाब बढेको जानकारी दिए। राम्रो खेल्दाखेल्दै पनि सकारात्मक नतिजा आउन सकेन, अन्य खेलमा कमजोरी हटाउनेछौँ, भरतले भने।
यमनका प्रशिक्षक अब्राहम मेब्रातुले पहिलो खेल हारेपछि नेपालविरुद्ध आक्रमण रणनीतिमा मैदानमा ओर्लेको र सो योजनाले काम गरेको प्रतिक्रिया दिए।
सोमबार नै भएको पहिलो खेलमा उज्वेकिस्तानले बंगलादेशलाई २-१ ले पराजित गर्यो।
उज्वेकिस्तानका लागि गादोइभ सोहरम र स्मोलाच्यको पायलले एक, एक गोल गरेका थिए।
गादोयवले खेलको ७४औँ मिनेटमा र पायलले ४०औँ मिनेटमा उज्वेकिस्तानका लागि गोल गरेका थिए।
बंगलादेशका लािग भने खेलको ५५आँै मिनेटमा एमडी इमोन महमुदले गोल गरेका थिए। नेपालले आगामी खेल बुधबार उज्वेकिस्तानसँग खेल्दैछ।
