कोलम्बो, असार ५ गते। एन्जेलो म्याथ्युजले सङ्कटका समयमा अविजित ८० रनको पालि खेलेपछि सोमबार राति श्रीलङ्काले पाँचौँ तथा अन्तिम एकदिवसीय क्रिकेट खेलमा पाकिस्तानलाई नाटकीय ढङ्गले दुई विकेटले हराएको छ। यस नतिजासँगै पाँच खेलको शृङ्खला घरेलु टिम श्रीलङ्काले ३-१ ले जितेको छ। एक खेल वषर्ाले रद्द भएको थियो।
श्रीलङ्कालाई अन्तिम ओभरमा १५ रन बनाउन आवश्यक थियो। पाकिस्तानका तेजबलर मोहम्मद सामीले फालेको सो ओभरमा म्याथ्युजले एक छक्का र एक चौका प्रहार गरेपछि श्रीलङ्काले दुई बल बाँकीछँदै लक्ष्य प्राप्त गर्यो। श्रीलङ्काका लागि दिनेश चन्डिमलले पनि ५४ रनको उपयोगी पालि खेले।
यसअघि तेजबलर सोहेल तनवीरले तीन र लेग स्पिनर साहिद अपि|mदीले दुई विकेट लिएपछि लक्ष्य पछ्याउने क्रममा श्रीलङ्काले १३८ रनमा नै छ विकेट गुमाएको थियो। त्यसपछि म्याथ्युजलाई जीवन मेन्डिस -१९ रन) र नुवान कुलशेखरा -अविजित १० रन)ले उचित साथ दिए।
पहिलो खेलदेखि ब्याटिङ गर्ने मौका पाएको थिइन तर म तयार थिएँ, आज रङ्गशालामा खचाखच भरिएका घरेलु समर्थकका अगाडि विजयी पालि खेल्न सकेकोमा म निकै खुसी छु 'म्यान अफ द म्याच' पनि घोषित भएका म्याथ्युजले भने।
अपि|mदीले क्रिजमा जमिसकेका कुमार सङ्गकारा -४० रन) र कप्तान माहेला जयवर्धनेलाई लगातार बलमा आउट गरेपछि श्रीलङ्का पराजयको नजिक पुगेको थियो। सङ्गकाराले आफू २५ रनमा छँदा पाएको जीवनदानको भरपुर उपयोग गर्न सकेनन्। यसअघि तनवीरले पहिलो स्पेलमा नै प्रारम्भिक ब्याट्सम्यानद्वय तिलकरत्ने डिल्सन र उपुल थारङ्गालाई सस्तोमै पवेलियन फर्काएका थिए।
यो अविस्मरणीय खेल हो, पूरा शृङ्खला शानदार रहृयो, ब्याटिङ राम्रो हुँदा जित हासिल गर्न सक्यौँ -कप्तान जयवर्धनेको प्रतिक्रिया थियो।
पाकिस्तानको पालिमा प्रारम्भिक ब्याट्सम्यान इमरान फरहतले ५६ र उमर अक्मलले अविजित ५५ रन बनाए। फरहत चार महिनापछि पहिलोपटक एकदिवसीय खेलमा सहभागी भएका हुन्। एएफपी
