काठमाडौँ, असार १७ गते। चिनियाँ कम्युनिस्ट पार्टी विदेश विभागका दक्षिण एसिया प्रमुख तथा उपविदेशमन्त्री आई पिङले नेतृत्व गर्नुभएको प्रतिनिधिमण्डल नेपालको तीनदिने भ्रमण पूरा गरी आइतबार स्वदेश प्रस्थान गरेको छ। प्रतिनिधिमण्डलले शनिबार एकीकृत नेकपा -माओवादी) का अध्यक्ष पुष्पकमल दाहाल -प्रचण्ड), नेपाली काँग्रेसका सभापति सुशील कोइराला र नेकपा -एमाले) का अध्यक्ष झलनाथ खनालसँग नेकपा-माओवादीका अध्यक्ष मोहन वैद्य 'किरण'सँग छुट्टाछुट्टै भेटवार्ता गरेको थियो।

चिनियाँ प्रतिनिधिमण्डलले संविधानसभाको विघटनपछि उत्पन्न राजनीतिक गतिरोध, शान्तिप्रक्रिया, संविधान लेखन, राजनीतिक स्थायित्व, दलहरूबीच सहमति निर्माणलगायतका विषयमा विभिन्न दलका नेताहरूसँग छलफल गरेको थियो।