किभ -युक्रेन), असार १८ गते। युरो २०१२ मा अधिकांश समय बेन्चमा बिताउने स्पेनका स्ट्राइकर फर्नान्डो टोरेजले गोल्डेन बुट जितेका छन्।

तीन गोल गर्नुका साथै एक गोलका लागि मौका सिर्जना गरेको उपलब्धिमा उनले गोल्डेन बुट जितेका हुन्। प्रतियोगितामा टोरेजलगायत छ खेलाडी मारियो बालोटेली -इटाली), आलन जागोएभ -रुस), मारियो गोमेज -जर्मनी), मारियो मान्जुकिच -क्रोसिया) र क्रिस्टियानो रोनाल्डो -पोर्चुगल)ले तीन/तीन गोल गरेका थिए।

गोल्डेन बुटको लडाइँ भने जर्मनीका गोमेज र टोरेजबीच भयो। यी दुवैले तीन गोल गर्नुका सथै एक गोलका लागि मौका मिलाइदिएका थिए। तर टोरेजले कम समय मैदानमा बिताएको आधारमा गोल्डेन बुट जिते। टोरेजले युरो २०१२ मा १८९ मिनेट खेलेर तीन गोल गरेका हुन्। एपी