काठमाडौँ, असार १९ गते। बुद्ध एयर र विश्व बैङ्क समूहको अन्तर्राष्ट्रिय फाइनान्स कर्पोरेसन -आईएफसी)बीच ऋण प्राप्त गर्ने विषयमा सम्झौता भएको छ।
बुद्ध एयर र आईएफसीबीच भएको उक्त सम्झौतामा सो विमान सेवालाई ७२ सिट भएको एटीआर ७२-५०० विमान खरिद गर्नका लागि ६९ लाख अमेरिकी डलर उपलब्ध हुने भएको छ।
यसअघि पनि सो विमान सेवाले एटीआर४२एस विमान सेवा खरिद गर्न तथा अन्तर्राष्ट्रिय विमानस्थलमा हृयाङ्गरको सुविधा विस्तारका लागि सोही संस्थासँग एक करोड अमेरिकी डलर ऋण लिइसकेको छ।
बुद्ध एयरले आईएफसीसँग नयाँ ऋण प्राप्त गर्ने कुरा सो विमान सेवाले विगतमा लिएको ऋणको भुक्तानी समयमा नै गर्दै आएकोले सम्भव भएको दाबी सो विमान सेवाले गरेको छ।
