काठमाडौं, असार २२ गते। कुखुरापालक व्यवसायी संघ र पशु सेवा विभागअन्तर्गत पशुपक्षी बजार प्रवर्द्धन निर्देशनालयको संयुक्त आयोजनामा भक्तपुरमा शुक्रवार चिकेन एण्ड एग फेस्टिबल-२०६९ सम्पन्न भएको छ।
कुखुराका विभिन्न परिकार उपलब्ध सो फेस्टिबलमा कुखुराको मासु र अण्डाका विभिन्न परिकारहरू प्रदर्शनीमा राखिएका थिए।
नेपालमा उपभोग हुने मासुमा ३६ प्रतिशत कुखुराको मासु उपभोग हुँदै आएको र कृषिको कुल गार्हस्थ उत्पादनमा ३५ प्रतिशत योगदान कुखुरापालक व्यवसायीहरूले दिंदै आएको भक्तपुर कुखुरापालक व्यवसायी संघका सचिव सुमन सुवालले बताउनुभयो।
विश्व स्वास्थ्य संगठनका अनुसार एक व्यक्तिले एक वर्षमा १४ किलो मासु खानुपर्ने भए पनि अहिलेको सन्दर्भमा भने एक व्यक्ति बराबर नौ किलो मासु मात्र उपलब्ध भएको जारी प्रेस विज्ञप्तिमा भनिएको छ।
कुखुराको मासु तथा अण्डामा मानव शरीरलाई अत्यावश्यक प्रोटिन, भिटामिन, खनिज पदार्थ, कार्बोहाइडे्रट, क्याल्सियम, फोस्फरसलगाययका तìव पाउने भए पनि त्यसको बारेमा आम उपभोक्तालाई जानकारी गराउन सो फेस्टिबल आयोजना गरिएको जनाइएको छ।
फेस्टिबलमा देशभरबाट गरी करीब ४०० कुखुरा तथा अण्डा व्यवसायीहरूको प्रतिनिधित्व रहेको थियो।
नेपालमा ६५ हजार घरपरिवारले कुखुरापालन गर्दै आएका छन् भने ३२ अर्ब रुपियाँ सो क्षेत्रमा लगानी गरिएको सचिव सुवालले बताउनुभयो।
