काठमाडौं, असार २२ गते। एनआईसी बैंकद्वारा प्रवर्द्धित नाफारहित संस्था एनआईसी फाउण्डेशनले मोरङको उर्लाबारीस्थित महिला विकास तथा बालसुधारगृहलाई खाद्यान्न सहयोग हस्तान्तरण गरेको छ।

व्यावसायिक सामाजिक उत्तरदायित्वअन्तर्गत फाउण्डेशनका तर्फबाट बैंकका दमक शाखा प्रमुख सुजन छाराङ्ग राईले सुधार गृहमा अध्यक्ष मिना बराललाई उक्त सहयोग रकम शुक्रवार एक कार्यक्रमका बीच हस्तान्तरण गर्नुभएको हो।

यस फाउण्डेशनमार्फत बैंकले प्रत्येक महिनाको बाह्र हजार दरले वाषिर्क रु. एक लाख ४४ हजार सहयोग गर्ने बैंकले जनाएको छ।