काठमाडौं, असार २२ गते। मंगलप्रसाद उमाविका राधेश्याम चौधरी र केन्द्रीय बहिरा उमाविकी लक्ष्मी महर्जनले १७औं विद्यालय स्तरीय राष्ट्रिय विशेष खेलकूद प्रतियोगितामा शुक्रवार दोहोरो स्वर्ण जितेका छन्।
पूर्ण दृष्टिविहीनतर्फ राधेश्यामले छात्र सटपुट र सˆटबल थ्रोमा स्वर्ण हात पारे। सटपुटमा नमुना मच्छिन्द्र उमाविका सुमन देवकोटा दोस्रो तथा ल्याबोरेटरी मावि, कीर्तिपुरका युवराज लामा तेस्रो भए । सफ्टबलमा ज्ञानचक्षु मावि, धरानका दीपक राई दोस्रो तथा दमकडा उमावि, पाल्पाका कोषबहादुर दर्लामी तेस्रो भए ।
बहिरातर्फ छात्रा दुई सय मिटर दौड र लङजम्पमा लक्ष्मीले स्वर्ण चुमिन्। धौलागिरी बहिरा विद्यालयकी तीलदेवी गर्बुजा दोस्रो तथा काभ्रे बहिरा विद्यालयकी सुष्मा श्रेष्ठ तेस्रो भए । लङजम्पमा शृजना बहिरा उमाविकी डासीमाया खनाल दोस्रो तथा विराट बहिरा माविकी अनुराधा पौडेल तेस्रो भए ।
राष्ट्रिय खेलकूद परिषद् -राखेप) द्वारा आयोजित प्रतियोगिता अन्तर्गत बहिरातर्फ छात्र लङजम्पमा विराटका राजुकुमार चौधरी पहिलो, केन्द्रीय बहिराका दीपक कटवाल दोस्रो तथा बहिरा बाल उमाविका चित्रण गुरुङ तेस्रो भए ।
आंशिक दृष्टिविहीनको छात्र सˆटबल थ्रोमा अमरसिंह उमावि, पोखराका जीवन तामाङ पहिलो, ल्याबोरेटरीका श्यामलाल ढुंगाना दोस्रो तथा मंगलका नरेश चौधरी तेस्रो भए । छात्रामा मंगलकी सपना चौधरी पहिलो, अमरकी ओम पुन दोस्रो तथा नारायणी उमावि, चितवनकी हरिकला रोका तेस्रो भए ।
पूर्ण दृष्टिविहीनको छात्रा सˆटबलमा कणर्ाली उमाविकी सरस्वती पनेरु पहिलो, नारायणीकी हरिमाया सारु दोस्रो तथा अमरकी रीता थापा तेस्रो भए ।
शारीरिक अपांगको छात्रा सय मिटर दौड -वैशाखी नलिएर) मा खगेन्द्र नवजीवन मावि, जोरपाटीकी कविता लामा पहिलो, नेपाल अपांग संघ, दाङकी रीता सिलवाल दोस्रो तथा लम्जुङ सीबीआरकी अप्सरा पाण्डे तेस्रो भए । छात्राको सय मिटर दौड -२ वैशाखी लिएर) मा अपांग संघ, बाँकेकी ललिता थारू पहिलो र हीरा थापा दोस्रो तथा अपांग संघ, झापाकी आशामाया लिम्बु तेस्रो भए ।
बिहीवारदेखि सुरु प्रतियोगितामा ३६ विद्यालयका ३०२ प्रतिस्पर्धीले ४२ स्वर्णका लागि प्रतिस्पर्धा गरेका थिए ।
