काठमाडौं, असार २९ गते। नेपाल टेलिकमले कम्पनीको सञ्चालनमा रहेको सीडीएमए प्रविधिको महसूल दरमा परिमार्जन गरेको छ।

नयाँ व्यवस्था अनुसार टेलिकमले सीडीएमए स्काइफोन/स्काइ डाटा सेवाको ग्राहक शुल्क छ सय रुपियाँबाट साउन १ गतेदेखि लागू हुने गरी रु. दुई सय कायम गरेको छ। टेलिकमले यसमा टक भ्यालु रु. एकसय रुपियाँ थप गर्नुका साथै डाटा एक्टिभेसनसमेत गराएको छ।

यसैगरी टेलिकमले इभिडियोसहितको सीडीएमए स्काइफोन सेवाको ग्राहक शुल्क पनि रु. छसयबाट दुई सय कायम गरेको छ। यसमा पनि टक भ्यालु रु. एक सय थप गर्नुका साथै डाटा एक्टिभेसन निःशुल्क गरेको छ।

उपभोक्ताहरूलाई सहुलियत पूर्ण दरमा दूरसञ्चार सेवा उपलब्ध गराउने नेपाल टेलिकमको नीति अनुसार कम्पनीबाट वितरण गरिंदै आएको सीडीएमए प्रविधिका सेवाहरूको महसूल दरमा परिमार्जन गरिएको टेलिकमका प्रवक्ता गुणकेशरी प्रधानले बताउनुभयो।