यातना घर

इरेजरले मेटिएका अनुहारहरू

स्वयम्भू माफियादेवहरूको अर्चना गर्छन्

यो युग नरभक्षी बाघहरूको युग होइन

नरभक्षी नरहरूको युग हो Û

वेवारिसे लासहरू

गाउँ छोड्ने सपनाका लस्कर चलेका छन्

भोकाएका अजिङ्गरहरू

छुचुन्द्राहरूका जुलुसमा सामेल छन्

ए Û यो देशबाट देवताहरू विस्थापित भइसके ?

त्यसो भए मन्दिरहरूको होइन

भ्रष्टाचारहरूको जीर्णोद्धार गरौँ

लोपोन्मुख गिद्धहरू

आमाहरूलाई सोध, प्रत्येक गर्भ घाइते छ Û

मृगमरिचिका

देशका लागि सर्वत्र देश विस्फोटित छ

दोर्जेलाक्पा हिमालको कसम

यो देशमा अब खतराहरू मात्र सुरक्षित छन् Û

ˆयाउराहरूको आत्मकथा

ध्रुवीय भालुहरूको डरयुक्त भर छ

कस्ले कस्को स्थिति सार्वजनिक गर्ने ?

जीवन सधैँ भुइँचालो र्फकने प्रतीक्षामा व्यतीत छ Û

अलिनो भान्सा

दरबारमार्गका झडपहरू

एम्बुस जडान जिन्दगीका जिजीविषाहरूसँगै

सपना भुलाई गएका शिव अधिकारीहरू कता लागे ?

बन्दका हल्लाले बन्द देश

सावधान, तोडा चलेको छ

डबलीमा कात्तिक नाचहरू हेर्दै

ऊ लास परेका जुलुसहरू जीवनको अभिनय गर्दैछन् Û

आङमा लुगा छैन ?

त्यसो भए निःशुल्क केटि्रमोक्साजोल खाऔं

कठ्याङ्गि्रने जाडो याम

मनहरूको अकुपन्चर चलेको छ Û

अन्धोयुग

के ब्रेल छाम्ने औँंलाहरू पनि लोप भई सके ?